Qazaqstan elektrondy úkimetiniń saitynda 2025 jylǵa deiin qazaq tilin latyn álipbiine kezeń-kezeńimen kóshirý boiynsha is-sharalar josparynyń jobasy jariialandy, dep habarlaidy "Ult aqparat" sputniknews.kz agenttigine silteme jasap.
Qujatqa sáikes, latyn qarpine kóshý úsh kezeń boiynsha ótedi:
• birinshi — 2018-2020 jyldar; • ekinshi — 2021-2023 jyldar; • úshinshi — 2024-2025 jyldar.Áleýmettik jelilerde blogerlerdi tartý jolymen túsindirý jumystaryn júrgizýge 462 million 600 myń teńge jumsaý josparlanǵan. Oǵan Qazaqstan Respýblikasy mádeniet jáne sport ministrligi jaýapty bolady.
Qazaq tilin latyn álipbiine kóshirý boiynsha túsindirý jumystaryn júrgizý úshin videobloktar ázirleýge 168 million teńge bólinbek. Sondai-aq osy taqyrypta materialdar jariialaýǵa mamandanǵan jýrnalister pýly jasaqtalady dep josparlanýda, alaida oǵan qarjy qarastyrylmaǵan.
Jospardy ashyq talqylaý osy jyldyń 30 qańtaryna deiin sozylady.
