Kievke bir kúndik saparmen barǵan AQSh memlekettik hatshysy Entoni Blinken Reseidi Ýkrainaǵa qarsy "kózsiz agressiiashyl áreketin" toqtatýǵa shaqyrdy, dep habarlaidy Azattyq.
"Biz sizderdi qoldaimyz... ári Resei kózsiz agressiiashyl áreketin toqtatady dep úmittenemiz" dedi Blinkin 6 mamyrda Ýkraina prezidenti Vladimir Zelenskiimen kezdesý kezinde.
Blinkinniń Kievke qysqa sapary Reseimen arasy qaita ýshyqqan Ýkrainany Aq úidiń qoldaýynyń belgisi retinde baǵalandy.
Zelenskiimen kezdeser aldynda Blinken Ýkraina syrtqy ister ministri Dmitrii Kýlebaǵa Vashingtonnyń eki el arasyndaǵy áriptestikti "senimdi túrde qýattaitynyn" jáne Ýkrainanyń egemendigin, aýmaqtyq tutastyǵy men táýelsizdigin qurmetteitinin aitty.
Ótken aida Resei Ýkrainamen shekara mańyna ondaǵan myń ásker aparǵan. Resei Ýkrainanyń Qyrym túbegin ózine qaratyp, Donbastaǵy separatistik kúshterge qoldaý kórsete bastaǵan 2014 jyldan beri alǵash ret shekaraǵa osynsha kóp ásker shoǵyrlandyrdy.
"Resei Ýkraina shekarasynan biraz áskerin keri áketkenin bilemiz, biraq onda áli de birshama kúsh bar ekenin de kórip otyrmyz" dedi Blinken.
Azattyqtyń Ýkrain qyzmetine bergen suhbatynda Blinken AQSh "buǵan deiin kórsetilgen aýqymdy kómekten bólek, Ýkrainaǵa qosymsha qandai járdem kerektigin qarastyryp jatqanyn" málimdedi.
Kiev Vashingtonnan áýe qorǵanys júielerin jáne snaiperge qarsy tehnologiiany suratqan. Onyń ústine Ýkrainada Patriot zymyrandaryn ornalastyrý múmkindigi týraly da aitylǵan.
