Foto: Ortkom
Batys Qazaqstan oblysynyń ákimi Nariman Tóreǵaliev Ult.kz tilshisine biylǵy jańajyldyq bezendirýge qansha qarajat bólingenin aityp berdi, dep habarlaidy Ult.kz.
"Men 2023 jyldan bastap shyrsha satyp alýdy toqtatyp qoidym. Bizde kezinde satyp alynǵan maǵan deiingi (Nariman Tóreǵaliev ákim bolyp kelgenge deiingi, red) shyrsha bar. Sol shyrshany áli paidalanyp kele jatyrmyz", - dedi ákim.
Oblysta shyrshalar jańa jyl bitkende jinap alynyp, kelesi jylǵy jańa jyl merekesine saqtap qoiylady eken.
"Jyl saiyn paidalanamyz. Ony qaitadan jinap alamyz, sodan keiin salyp qoiamyz da, klesi jyly qaityp sony shyǵaryp, paidalanyp júrmiz", - dedi Nariman Tóreǵaliev.
BQO ákiminiń aitýynsha, biylǵy jylǵy jańa jyl merekesin atap ótýge qala ákimdigi 11 million teńge kóleminde qarajat josparlap otyr.
"Endi jalpy merekege qatysty árine qarjy shyǵarylady. Biz qala ákimdigi 11 mln. teńge biylǵy jylǵa josparlap otyrmyz. Jańa jyldyq bezendirý, qalǵan is sharalar bar, balalardyń is sharalary bar, soǵan jumsalatyn barlyq qarajat on bir-aq million", - dedi ol Ortalyq kommýnikatsiialar qyzmetinde ótken brifingte tilshimizdiń kezekti suraǵyna.
