فوتو: ورتكوم
باتىس قازاقستان وبلىسىنىڭ ەكٸمٸ ناريمان تٶرەعاليەۆ Ult.kz تٸلشٸسٸنە بيىلعى جاڭاجىلدىق بەزەندٸرۋگە قانشا قاراجات بٶلٸنگەنٸن ايتىپ بەردٸ, دەپ حابارلايدى Ult.kz.
"مەن 2023 جىلدان باستاپ شىرشا ساتىپ الۋدى توقتاتىپ قويدىم. بٸزدە كەزٸندە ساتىپ الىنعان ماعان دەيٸنگٸ (ناريمان تٶرەعاليەۆ ەكٸم بولىپ كەلگەنگە دەيٸنگٸ, رەد) شىرشا بار. سول شىرشانى ەلٸ پايدالانىپ كەلە جاتىرمىز", - دەدٸ ەكٸم.
وبلىستا شىرشالار جاڭا جىل بٸتكەندە جيناپ الىنىپ, كەلەسٸ جىلعى جاڭا جىل مەرەكەسٸنە ساقتاپ قويىلادى ەكەن.
"جىل سايىن پايدالانامىز. ونى قايتادان جيناپ الامىز, سودان كەيٸن سالىپ قويامىز دا, كلەسٸ جىلى قايتىپ سونى شىعارىپ, پايدالانىپ جٷرمٸز", - دەدٸ ناريمان تٶرەعاليەۆ.
بقو ەكٸمٸنٸڭ ايتۋىنشا, بيىلعى جىلعى جاڭا جىل مەرەكەسٸن اتاپ ٶتۋگە قالا ەكٸمدٸگٸ 11 ميلليون تەڭگە كٶلەمٸندە قاراجات جوسپارلاپ وتىر.
"ەندٸ جالپى مەرەكەگە قاتىستى ەرينە قارجى شىعارىلادى. بٸز قالا ەكٸمدٸگٸ 11 ملن. تەڭگە بيىلعى جىلعا جوسپارلاپ وتىرمىز. جاڭا جىلدىق بەزەندٸرۋ, قالعان ٸس شارالار بار, بالالاردىڭ ٸس شارالارى بار, سوعان جۇمسالاتىن بارلىق قاراجات ون بٸر-اق ميلليون", - دەدٸ ول ورتالىق كوممۋنيكاتسييالار قىزمەتٸندە ٶتكەن بريفينگتە تٸلشٸمٸزدٸڭ كەزەكتٸ سۇراعىنا.
