sýret: BQO PD baspasóz qyzmeti
BQO Politsiia departamenti Uiymdasqan qylmysqa qarsy kúres basqarmasy qyzmetkerleri kontrabandany, alkogol men temeki ónimderiniń zańsyz ainalymyn anyqtaýǵa jáne jolyn kesýge baǵyttalǵan "Naiza" respýblikalyq jedel aldyn alý is-sharasy barysynda 500-den astam temeki blogy men 1 tonnadan astam alkogol ónimin tárkiledi, dep habarlaidy vedomstvonyń baspasóz qyzmeti.
"Osy jedel aldyn alý is-sharasyn ótkizý barysynda BQO PD Uiymdasqan qylmysqa qarsy kúres basqarmasy BQO Ekonomikalyq tergeý departamentiniń qyzmetkerlerimen birge Oral qalasynyń eki turǵynynan 513 blok aktsizsiz temeki zattaryn taýyp, tárkiledi.
Sondai-aq 33 jastaǵy azamattyń basqarýyndaǵy "Gazon" markaly júk kóligin toqtatyp, tekserý barysynda bes litrlik bótelkelerge oralǵan aktsizsiz alkogol ónimi tabyldy.
Sonymen qatar 36 jastaǵy turǵynnan 0,5 litrlik plastikalyq bótelkelerge salynǵan 137 bótelke aktsizsiz alkogol tabyldy" - delingen habarlamada.
Barlyq faktiler boiynsha tergeý áreketteri júrgizilip jatyr.
