Batys Qazaqstan oblysy Jańaqala aýdanynyń turǵyny Aidana Muhambetiiarova úsh jasar sábiiniń ólimine dárigerlerdi kinálaidy. Qaiǵydan qan jutqan kelinshektiń aitýynsha, tamaǵyna jasalǵan operatsiiadan keiin búldirshin múldem qaraýsyz qalyp, kóz jumǵan, dep habarlaidy Astana telearnasy.
"Qyzymyzdan «Daýn sindromy» anyqtalǵanymen, aýytqýshylyq bolǵan joq", deidi ol.
Kishkentai Ainazdyń tátti qylyǵyn qyzyqtap júrgen jas otbasynyń qýanyshy uzaqqa sozylmady. Qyzǵa operatsiia jasalyp, dárigerler tamaǵyndaǵy qabynǵan bezdi sylyp tastaidy. Ota sátti ótkenimen, búldirshin keshkisin mazasyzdana bastaǵan.
Reanimatsiiadan bir medbike shaqyrady. Ol medbike kelip, balaǵa kateter qoia almaidy. Balanyń qoly muzdap bastaǵan kezde, ekinshi medbikeni shaqyrtady. Ol balanyń jaǵdaiyn kórip, birden dáriger shaqyryńyzdar, bala aýyr halde, qinalyp demikpe bolyp jatyr, eshqandai kateterdi sala almaimyn, reanimatsiiaǵa aparyńyzdar dep ketip qalady. Biraq oǵan qulaq aspaǵan birinshi medbike kateterdi salǵyzdy
"Reanimatsiiadan bir medbike shaqyrady. Ol medbike kelip, balaǵa kateter qoia almaidy. Balanyń qoly muzdap bastaǵan kezde, ekinshi medbikeni shaqyrtady. Ol balanyń jaǵdaiyn kórip, birden dáriger shaqyryńyzdar, bala aýyr halde, qinalyp demikpe bolyp jatyr, eshqandai kateterdi sala almaimyn, reanimatsiiaǵa aparyńyzdar dep ketip qalady. Biraq oǵan qulaq aspaǵan birinshi medbike kateterdi salǵyzdy", - deidi sábidiń anasy Aidana Muhambetiiarova.
Oqiǵa demalys kúni bolǵandyqtan shaqyrtqan dárigerler ýaqytynda kelmegen. 12 saǵat boiy osylai qinalǵan sábi ábden álsiregende ǵana mamandar kómek kórsetýge asyqqan.
"Dáriger keshkisin bala qinalyp jatqan ýaqytta keldi. Bala ólerdiń aldynda edi. Tamyr soǵysyn qaraǵanda bir-birine ymdap birdeme aittty. Keiin apa, qyzyńyzdan aiyrylyp qaldyq, imandy bolsyn dedi. Dárigerlerdiń salǵyrttyǵy bári. Otadan keiin qyzym durys qaralmady", - deidi Aidana Muhambetiiarova.
Al dárigerler búldirshindi operatsiiaǵa daiyndaý kezinde densaýlyǵynan kinárat tabylmaǵanyn aitady. "Odan keiin de jaǵdaiyn qadaǵalap otyrdyq" deidi.
"Balany operatsiiadan soń ózim qaraǵanda búkil kórsetkishi qalypty boldy. Kenetten álsiregesin, jansaqtaý bóliminde kómek jasadyq. Keiin júreginde aqaý bary, pnevmoniiaǵa shaldyqqany anyqtaldy. Jalpy mundai derti bar balalardyń búkil keseli osyndai operatsiia kezinde órship ketedi, ári kez kelgen ota - táýekelge toly is. Sábidiń ata-anasyna qaiǵyryp kóńil aitamyn", - deidi otolaringolog dáriger Orynbek Jubanov.
Búginde politsiia osy oqiǵa boiynsha qylmystyq is qozǵaǵan. Iaǵni dárigerlerdiń kásibi mindetin qanshalyqty talapqa sai atqarǵanyn tekseredi. Osydan keiin ata-anasy zań organdaryna júginbek.
