باتىس قازاقستان وبلىسى جاڭاقالا اۋدانىنىڭ تۇرعىنى ايدانا مۇحامبەتيياروۆا ٷش جاسار سەبيٸنٸڭ ٶلٸمٸنە دەرٸگەرلەردٸ كٸنەلايدى. قايعىدان قان جۇتقان كەلٸنشەكتٸڭ ايتۋىنشا, تاماعىنا جاسالعان وپەراتسييادان كەيٸن بٷلدٸرشٸن مٷلدەم قاراۋسىز قالىپ, كٶز جۇمعان, دەپ حابارلايدى استانا تەلەارناسى.
"قىزىمىزدان «داۋن سيندرومى» انىقتالعانىمەن, اۋىتقۋشىلىق بولعان جوق", دەيدٸ ول.
كٸشكەنتاي اينازدىڭ تەتتٸ قىلىعىن قىزىقتاپ جٷرگەن جاس وتباسىنىڭ قۋانىشى ۇزاققا سوزىلمادى. قىزعا وپەراتسييا جاسالىپ, دەرٸگەرلەر تاماعىنداعى قابىنعان بەزدٸ سىلىپ تاستايدى. وتا سەتتٸ ٶتكەنٸمەن, بٷلدٸرشٸن كەشكٸسٸن مازاسىزدانا باستاعان.
رەانيماتسييادان بٸر مەدبيكە شاقىرادى. ول مەدبيكە كەلٸپ, بالاعا كاتەتەر قويا المايدى. بالانىڭ قولى مۇزداپ باستاعان كەزدە, ەكٸنشٸ مەدبيكەنٸ شاقىرتادى. ول بالانىڭ جاعدايىن كٶرٸپ, بٸردەن دەرٸگەر شاقىرىڭىزدار, بالا اۋىر حالدە, قينالىپ دەمٸكپە بولىپ جاتىر, ەشقانداي كاتەتەردٸ سالا المايمىن, رەانيماتسيياعا اپارىڭىزدار دەپ كەتٸپ قالادى. بٸراق وعان قۇلاق اسپاعان بٸرٸنشٸ مەدبيكە كاتەتەردٸ سالعىزدى
"رەانيماتسييادان بٸر مەدبيكە شاقىرادى. ول مەدبيكە كەلٸپ, بالاعا كاتەتەر قويا المايدى. بالانىڭ قولى مۇزداپ باستاعان كەزدە, ەكٸنشٸ مەدبيكەنٸ شاقىرتادى. ول بالانىڭ جاعدايىن كٶرٸپ, بٸردەن دەرٸگەر شاقىرىڭىزدار, بالا اۋىر حالدە, قينالىپ دەمٸكپە بولىپ جاتىر, ەشقانداي كاتەتەردٸ سالا المايمىن, رەانيماتسيياعا اپارىڭىزدار دەپ كەتٸپ قالادى. بٸراق وعان قۇلاق اسپاعان بٸرٸنشٸ مەدبيكە كاتەتەردٸ سالعىزدى", - دەيدٸ سەبيدٸڭ اناسى ايدانا مۇحامبەتيياروۆا.
وقيعا دەمالىس كٷنٸ بولعاندىقتان شاقىرتقان دەرٸگەرلەر ۋاقىتىندا كەلمەگەن. 12 ساعات بويى وسىلاي قينالعان سەبي ەبدەن ەلسٸرەگەندە عانا ماماندار كٶمەك كٶرسەتۋگە اسىققان.
"دەرٸگەر كەشكٸسٸن بالا قينالىپ جاتقان ۋاقىتتا كەلدٸ. بالا ٶلەردٸڭ الدىندا ەدٸ. تامىر سوعىسىن قاراعاندا بٸر-بٸرٸنە ىمداپ بٸردەمە ايتتتى. كەيٸن اپا, قىزىڭىزدان ايىرىلىپ قالدىق, يماندى بولسىن دەدٸ. دەرٸگەرلەردٸڭ سالعىرتتىعى بەرٸ. وتادان كەيٸن قىزىم دۇرىس قارالمادى", - دەيدٸ ايدانا مۇحامبەتيياروۆا.
ال دەرٸگەرلەر بٷلدٸرشٸندٸ وپەراتسيياعا دايىنداۋ كەزٸندە دەنساۋلىعىنان كٸنەرات تابىلماعانىن ايتادى. "ودان كەيٸن دە جاعدايىن قاداعالاپ وتىردىق" دەيدٸ.
"بالانى وپەراتسييادان سوڭ ٶزٸم قاراعاندا بٷكٸل كٶرسەتكٸشٸ قالىپتى بولدى. كەنەتتەن ەلسٸرەگەسٸن, جانساقتاۋ بٶلٸمٸندە كٶمەك جاسادىق. كەيٸن جٷرەگٸندە اقاۋ بارى, پنەۆمونيياعا شالدىققانى انىقتالدى. جالپى مۇنداي دەرتٸ بار بالالاردىڭ بٷكٸل كەسەلٸ وسىنداي وپەراتسييا كەزٸندە ٶرشٸپ كەتەدٸ, ەرٸ كەز كەلگەن وتا - تەۋەكەلگە تولى ٸس. سەبيدٸڭ اتا-اناسىنا قايعىرىپ كٶڭٸل ايتامىن", - دەيدٸ وتولارينگولوگ دەرٸگەر ورىنبەك جۇبانوۆ.
بٷگٸندە پوليتسييا وسى وقيعا بويىنشا قىلمىستىق ٸس قوزعاعان. ياعني دەرٸگەرلەردٸڭ كەسiبي مiندەتiن قانشالىقتى تالاپقا ساي اتقارعانىن تەكسەرەدٸ. وسىدان كەيٸن اتا-اناسى زاڭ ورگاندارىنا جٷگٸنبەك.
