Batys Qazaqstan oblysynda turǵyn múlkin qaitaryp almaq bolǵan aýyldasyn uryp óltirdi, dep habarlaidy "Ult aqparat".
BQO politsiia departamenti málim etkenindei, oqiǵa Báiterek aýdany aýyldarynyń birinde boldy.
Departament bastyǵy, general-maior Mahsudhan Ablazimovtyń sózine qaraǵanda, eki er adam tóbelesken. Sonyń barysynda 1995 jylǵy Sh. 1990 jylǵy T-ǵa aýyr dene jaraqatyn salǵan. Jábirlenýshi Oral qalasyndaǵy oblystyq kópbeiindi aýrýhanada kóz jumdy.
«Istiń mán-jaiyn anyqtaý barysynda talastyń múlikti zańsyz iemdenýden týyndaǵany belgili boldy. T. degen azamat Sh-ny taýyp, ózine tiesili múlikti qaitarmaq bolǵan kezde bir-birimen sózge kelip, tóbelesken. Oqiǵa túngi saǵat 03.00-te boldy. Jábirlenýshiniń ústinen túsken ýchaskelik inspektor sol boida jedel járdem shaqyryp, kýágerlerden saýalnama júrgizip, kúdiktini anyqtaǵan», dedi Ablazimov.
Qazirgi kezde QR QK 106-baby 3-bóligine (qasaqana aýyr dene jaraqatyn keltirý) sáikes sotqa deiingi tergeý amaldary júrgizilýde.
