باتىس قازاقستان وبلىسىندا تۇرعىن مٷلكٸن قايتارىپ الماق بولعان اۋىلداسىن ۇرىپ ٶلتٸردٸ, دەپ حابارلايدى "ۇلت اقپارات".
بقو پوليتسييا دەپارتامەنتٸ مەلٸم ەتكەنٸندەي, وقيعا بەيتەرەك اۋدانى اۋىلدارىنىڭ بٸرٸندە بولدى.
دەپارتامەنت باستىعى, گەنەرال-مايور ماحسۇدحان ابلازيموۆتىڭ سٶزٸنە قاراعاندا, ەكٸ ەر ادام تٶبەلەسكەن. سونىڭ بارىسىندا 1995 جىلعى ش. 1990 جىلعى ت-عا اۋىر دەنە جاراقاتىن سالعان. جەبٸرلەنۋشٸ ورال قالاسىنداعى وبلىستىق كٶپبەيٸندٸ اۋرۋحانادا كٶز جۇمدى.
«ٸستٸڭ مەن-جايىن انىقتاۋ بارىسىندا تالاستىڭ مٷلٸكتٸ زاڭسىز يەمدەنۋدەن تۋىنداعانى بەلگٸلٸ بولدى. ت. دەگەن ازامات ش-نى تاۋىپ, ٶزٸنە تيەسٸلٸ مٷلٸكتٸ قايتارماق بولعان كەزدە بٸر-بٸرٸمەن سٶزگە كەلٸپ, تٶبەلەسكەن. وقيعا تٷنگٸ ساعات 03.00-تە بولدى. جەبٸرلەنۋشٸنٸڭ ٷستٸنەن تٷسكەن ۋچاسكەلٸك ينسپەكتور سول بويدا جەدەل جەردەم شاقىرىپ, كۋەگەرلەردەن ساۋالناما جٷرگٸزٸپ, كٷدٸكتٸنٸ انىقتاعان», دەدٸ ابلازيموۆ.
قازٸرگٸ كەزدە قر قك 106-بابى 3-بٶلٸگٸنە (قاساقانا اۋىر دەنە جاراقاتىن كەلتٸرۋ) سەيكەس سوتقا دەيٸنگٸ تەرگەۋ امالدارى جٷرگٸزٸلۋدە.
