BQO-nyń Bókei ordasy aýdany Saiqyn aýylynda turatyn Nurlybek Imanbaev avtolotereiadan utyp alǵan «Hyunday Accent» avtokóliginiń qarjysyn qaiyrymdylyq maqsatyna jumsady, dep habarlaidy QazAqparat.
Óziniń aitýynsha, ótken jyldyń sońynda ǵalamtor arqyly quny 7 mln 519 myń teńge turatyn avtokólik utyp alǵan.
- Otbasymyz bolyp aqyldasa kele, qarjyny túgeldei qaiyrymdylyqqa jumsaýdy uiǵardyq. Osy sheshimimizdi Almatydaǵy lotereiany uiymdastyrýshylarǵa jetkizip, utysty aqshalai berýdi suradyq. Olar bul qadamymyzdy quptady. Muny jariia etýge qarsy bolǵanymyzben, tarap ketipti, - deidi Nurlybek.
Onyń sózine qaraǵanda, qarjynyń bir bóligin Almatydaǵy qańtar oqiǵasy kezinde qaza tapqan Dáýlet Juparbekov, Meiirhan Bitimniń otbasyna, ekinshi bóligin Oralda turatyn 5 jasar qyzdyń emine aýdarǵan. Qalǵan bóligin qaiyrymdylyq qoryna jiberip, týǵan jeri Bisen aýylyndaǵy muqtaj jandardyń qajetin ótemekshi.
- Nurlybek Mashanuly, ózińde avtokólik joq eken, minip, qyzyǵyn kórmediń be?
- Eki aiaǵym bar, muqtaj emespin. Eń bastysy, basymyz aman, denimiz saý bolsyn. Jalpy, qaiyrymdylyq isterine budan buryn da aralasyp kelemin. Maqsatymyz – túrli qiyndyqqa tap bolǵan adamdarǵa kómektesý, balalarymyzdy soǵan tárbieleý. Ózim Bisen aýylynda týyp-ósip, Oral qalasyndaǵy J.Dosmuhamedov atyndaǵy joǵary pedagogikalyq kolledjde, keiin Batys Qazaqstan gýmanitarlyq akademiiasynda dene tárbiesi jáne sport mamandyǵy boiynsha bilim aldym. 2006-2009 jyldary sol kolledjde dene shynyqtyrý pániniń oqytýshysy boldym. 2009 jyldan beri shekara qyzmetinde kelisimshartpen jumys isteimin. Serjantpyn, Shońaida el shekarasyn kúzetemin.
Zaiybym Dina M.Mámetova atyndaǵy orta mektepte bastaýysh synypta jáne aǵylshyn tili páni boiynsha dáris beredi. Eki ulym, bir qyzym osy mektepte bilim alyp júr.
- Shekarashy bolý abyroily qyzmet qoi. Óziń jáne uldaryń sportpen ainalysady eken, bul jóninde ne aitar ediń?
- Shekarashy bolý – ekiniń birine buiyrmaǵan mártebeli qyzmet. Sondyqtan da memleket shekarasyn kúzetý asa jaýapty ári abyroily mindet dep esepteimin. Ekinshiden, salaýatty ómir saltyn ustanyp, sportpen úzbei ainalysýdy aldyma maqsat etip qoidym. Fýtbol oinaimyn, jeńil atletika da janyma jaqyn. Balalarym da kishkentaiynan sportpen shuǵyldanyp, alǵashqy tabystaryna qol jetkizip keledi.
- Nurlybek, azamattyq tanytqanyńa rahmet! Barlyq isterińe bereke tileimiz.
