بقو-نىڭ بٶكەي ورداسى اۋدانى سايقىن اۋىلىندا تۇراتىن نۇرلىبەك يمانباەۆ اۆتولوتەرەيادان ۇتىپ العان «Hyunday Accent» اۆتوكٶلٸگٸنٸڭ قارجىسىن قايىرىمدىلىق ماقساتىنا جۇمسادى, دەپ حابارلايدى قازاقپارات.
ٶزٸنٸڭ ايتۋىنشا, ٶتكەن جىلدىڭ سوڭىندا عالامتور ارقىلى قۇنى 7 ملن 519 مىڭ تەڭگە تۇراتىن اۆتوكٶلٸك ۇتىپ العان.
- وتباسىمىز بولىپ اقىلداسا كەلە, قارجىنى تٷگەلدەي قايىرىمدىلىققا جۇمساۋدى ۇيعاردىق. وسى شەشٸمٸمٸزدٸ الماتىداعى لوتەرەيانى ۇيىمداستىرۋشىلارعا جەتكٸزٸپ, ۇتىستى اقشالاي بەرۋدٸ سۇرادىق. ولار بۇل قادامىمىزدى قۇپتادى. مۇنى جارييا ەتۋگە قارسى بولعانىمىزبەن, تاراپ كەتٸپتٸ, - دەيدٸ نۇرلىبەك.
ونىڭ سٶزٸنە قاراعاندا, قارجىنىڭ بٸر بٶلٸگٸن الماتىداعى قاڭتار وقيعاسى كەزٸندە قازا تاپقان دەۋلەت جۇپاربەكوۆ, مەيٸرحان بٸتٸمنٸڭ وتباسىنا, ەكٸنشٸ بٶلٸگٸن ورالدا تۇراتىن 5 جاسار قىزدىڭ ەمٸنە اۋدارعان. قالعان بٶلٸگٸن قايىرىمدىلىق قورىنا جٸبەرٸپ, تۋعان جەرٸ بيسەن اۋىلىنداعى مۇقتاج جانداردىڭ قاجەتٸن ٶتەمەكشٸ.
- نۇرلىبەك ماشانۇلى, ٶزٸڭدە اۆتوكٶلٸك جوق ەكەن, مٸنٸپ, قىزىعىن كٶرمەدٸڭ بە?
- ەكٸ اياعىم بار, مۇقتاج ەمەسپٸن. ەڭ باستىسى, باسىمىز امان, دەنٸمٸز ساۋ بولسىن. جالپى, قايىرىمدىلىق ٸستەرٸنە بۇدان بۇرىن دا ارالاسىپ كەلەمٸن. ماقساتىمىز – تٷرلٸ قيىندىققا تاپ بولعان ادامدارعا كٶمەكتەسۋ, بالالارىمىزدى سوعان تەربيەلەۋ. ٶزٸم بيسەن اۋىلىندا تۋىپ-ٶسٸپ, ورال قالاسىنداعى ج.دوسمۇحامەدوۆ اتىنداعى جوعارى پەداگوگيكالىق كوللەدجدە, كەيٸن باتىس قازاقستان گۋمانيتارلىق اكادەميياسىندا دەنە تەربيەسٸ جەنە سپورت ماماندىعى بويىنشا بٸلٸم الدىم. 2006-2009 جىلدارى سول كوللەدجدە دەنە شىنىقتىرۋ پەنٸنٸڭ وقىتۋشىسى بولدىم. 2009 جىلدان بەرٸ شەكارا قىزمەتٸندە كەلٸسٸمشارتپەن جۇمىس ٸستەيمٸن. سەرجانتپىن, شوڭايدا ەل شەكاراسىن كٷزەتەمٸن.
زايىبىم دينا م.مەمەتوۆا اتىنداعى ورتا مەكتەپتە باستاۋىش سىنىپتا جەنە اعىلشىن تٸلٸ پەنٸ بويىنشا دەرٸس بەرەدٸ. ەكٸ ۇلىم, بٸر قىزىم وسى مەكتەپتە بٸلٸم الىپ جٷر.
- شەكاراشى بولۋ ابىرويلى قىزمەت قوي. ٶزٸڭ جەنە ۇلدارىڭ سپورتپەن اينالىسادى ەكەن, بۇل جٶنٸندە نە ايتار ەدٸڭ?
- شەكاراشى بولۋ – ەكٸنٸڭ بٸرٸنە بۇيىرماعان مەرتەبەلٸ قىزمەت. سوندىقتان دا مەملەكەت شەكاراسىن كٷزەتۋ اسا جاۋاپتى ەرٸ ابىرويلى مٸندەت دەپ ەسەپتەيمٸن. ەكٸنشٸدەن, سالاۋاتتى ٶمٸر سالتىن ۇستانىپ, سپورتپەن ٷزبەي اينالىسۋدى الدىما ماقسات ەتٸپ قويدىم. فۋتبول وينايمىن, جەڭٸل اتلەتيكا دا جانىما جاقىن. بالالارىم دا كٸشكەنتايىنان سپورتپەن شۇعىلدانىپ, العاشقى تابىستارىنا قول جەتكٸزٸپ كەلەدٸ.
- نۇرلىبەك, ازاماتتىق تانىتقانىڭا راحمەت! بارلىق ٸستەرٸڭە بەرەكە تٸلەيمٸز.
