Oralda oblys turǵyny 632 dana kiik múiizimen qolǵa tústi, dep habarlaidy "Ult aqparat".
BQO politsiia departamentiniń resmi ókili Bolatbek Belgibekov málim etkendei, oqiǵa 10 qazan kúni shamamen saǵat 16.30-da Zachagan kentindegi S.Aitqulov kóshesinde bolǵan.
Jedel izdestirý sharalary barysynda Qaztalov aýdanynyń 31 jastaǵy turǵyny aidap kele jatqan «Nissan Maxima» avtokóligi toqtatyldy.
Teksergen kezde avtokólik salonynan 632 dana kiik múiizi tabyldy.
Qazirgi kezde QR QK 339-baby 1-bóligine (ósimdikterdiń nemese janýarlardyń sirek kezdesetin jáne quryp ketý qaýpi tóngen, sondai-aq paidalanýǵa tyiym salynǵan túrlerimen, olardyń bólikterimen nemese derivattarymen zańsyz ainalysý) sáikes sotqa deiingi tergeý amaldary júrgizilýde.
Kúdikti ýaqytsha oqshaýlaý izoliatoryna qamaldy. Ol 7 jyldan 12 jylǵa deiin bas bostandyǵynan aiyrylýy múmkin.
