Batys Qazaqstan oblysynyń turǵyny 380 kilo ózen shaianymen ustaldy, dep habarlaidy "Ult aqparat".
Qaztalov aýdany politsiia bóliminiń ýchaskelik politsiia inspektory, politsiia kapitany Merjan Tileýbaevtyń málim etkenindei, oqiǵa 13 qazan kúni Jalpaqtal aýyly Baiqońyr kóshesinde boldy.
Saǵat 23.30-da Jalpaqtal politsiia bóliminiń qyzmetkerleri «Brakoner» jedel aldyn alý sharasy barysynda 28 jastaǵy S. degen júrgizýshi aidap kele jatqan VAZ-21713 avtokóligin toqtatty.
Teksergen kezde avtokólik salonynan 35 qapqa salynǵan 10919 dana, jalpy salmaǵy 379,95 kg ózen shaiany tabyldy.
Qazirgi kezde QR QK 335-baby 1-bóligine (balyq resýrstaryn, basqa da sý janýarlaryn nemese ósimdikterin zańsyz alý) sáikes sotqa deiingi tergeý amaldary júrgizilýde.
Óńirde tabiǵat qorǵaý zańnamasyn buzýshylyqty, bioresýrs nysandary men ónimderiniń zańsyz ainalymyn anyqtaý jáne jolyn kesý, ekologiialyq qylmystardy ashý baǵytynda 12 qazan men 11 qarasha aralyǵynda «Brakoner» jedel aldyn alý sharasy ótkizilýde.
