Batys Qazaqstan oblysynda tarihi Han ordasy aýylyndaǵy restavratsiialyq jumystar jalǵasyn tabady, dep habarlaidy QazAqparat.
BQO mádeniet basqarmasy basshysynyń orynbasary Qýanyshbek Muhanǵalievtiń óńirlik kommýnikatsiialar qyzmeti alańynda ótken brifingide málim etkenindei, biyl qurylǵanyna 220 jyl tolǵan Bókei handyǵy – elimizdegi Shyńǵys han urpaqtary bilik qurǵan eń sońǵy memlekettik qurylym.
Bókei sultan negizin qalap, onyń uly Jáńgir irgesin keńeitken handyqtyń keiin «Tuńǵyshtar mekenine» ainalǵany málim. Qazaq jerindegi tuńǵysh mýzei men arhiv, jármeńke men dárihana, mektep pen qazynashylyq mekeme jáne basqa ǵimarattar osynda boi kóterdi. Naryn qumyndaǵy qaraǵaily orman – elimizdiń qaitalanbas asyl murasy. Táýelsizdik jyldary Jáńgir hannyń saraiy qalpyna keltirildi.
«Han ordasyndaǵy osyndai tarihi-mádeni muralardy zertteý, saqtaý ári paidalaný maqsatynda Mádeniet jáne sport ministrligimen birlesken jumystar júrgizilýde.
Sonyń ishinde tarihi oryndardy restavratsiialaý jumystary respýblikalyq biýdjetten qoldaý taýyp, aldaǵy jyldyń josparyna da engizildi», dedi Q.Muhanǵaliev.
Onyń sózine qaraǵanda, Bókei orda handary Bókei men Jáńgirdiń inaýgýratsiiasy ótken Oral shaharynyń túbindegi «Han toǵaiy» óziniń irgetasyn Altyn orda kezeńinen tartady.
Edil-Jaiyq arasyndaǵy territoriia kezinde Altyn Ordanyń epitsentri bolǵan. Zertteýshiler sol dáýirde munda 210 qala bolǵandyǵyn alǵa tartsa, sonyń biri – Oral qalasy irgesindegi «Jaiyq qalashyǵy».
«HIII-HIV ǵasyrlarǵa tiesili arheologiialyq eskertkish Oral qalasynan 12 shaqyrymdai jerden 2001 jyly tabyldy.
Karl Baipaqov bastaǵan Qazaqstan, Resei, Japoniia, Germaniia jáne basqa memeleketterdiń arheolog ǵalymdary ǵylymi zertteýlerin júrgizdi. Arhelogiialyq zertteýlerler nátijesinde kesene, turǵynjai men hamam orny, shyǵyr qumyralar, kógildir keramika, qyzyl kirpishter, áshekeilengen taqtatas qaldyqtary tabyldy. Ótkizilgen ǵylymi zertteýler óńirimizde joǵary órkenietti, óziniń óndirisi men qolóneri damyǵan ortalyq bolǵanyn jáne ortaǵasyrlyq qalalyq mádeniet qalyptasqanyn dáleldedi», dedi Q.Muhanǵaliev.
