Batys Qazaqstan oblysynda sońǵy táýlikte koronavirýsqa 3 092 PTR zertteý jasaldy, dep habarlaidy "Ult aqparat".
Oblystyq Densaýlyq saqtaý basqarmasynan málim etkenindei, óńirde 13 zerthana (qýaty táýligine 6 myń test) jumys jasaidy. Bularda 21 281 zertteýge arnalǵan 425,4 test júiesi bar.
Osy kezge deiin barlyǵy 559 011 zertteý júrgizildi.
Sońǵy táýlikte oblysta 105 adamnan koronavirýs anyqtalyp, 49 naýqas jazylyp shyqty.
Aldyńǵy aptamen salystyrǵanda, indet juqtyrǵandar sany 9 paiyzǵa (73 adamǵa) azaidy.
Basqarma málimetine qaraǵanda, jyl basynan beri 12 282 naýqas tirkeldi. Olardyń 57,3 paiyzy (7045) Oral qalasy, 13,2 paiyzy (1633) Báiterek, 10,9 paiyzy (1340) Bórli aýdanynyń úlesine tiedi.
«Qazirgi kezde 1 123 tósektik 18 infektsiialyq statsionarda 477 naýqas em qabyldaýda. Oblys boiynsha koronavirýsqa qarsy vaktsinanyń birinshi komponentin - 64 037 adam, ekinshi komponentin 25282 adam aldy», - dep habarlady vedomstvodan.
