باتىس قازاقستان وبلىسىندا سوڭعى تەۋلٸكتە كوروناۆيرۋسقا 3 092 پتر زەرتتەۋ جاسالدى, دەپ حابارلايدى "ۇلت اقپارات".
وبلىستىق دەنساۋلىق ساقتاۋ باسقارماسىنان مەلٸم ەتكەنٸندەي, ٶڭٸردە 13 زەرتحانا (قۋاتى تەۋلٸگٸنە 6 مىڭ تەست) جۇمىس جاسايدى. بۇلاردا 21 281 زەرتتەۋگە ارنالعان 425,4 تەست جٷيەسٸ بار.
وسى كەزگە دەيٸن بارلىعى 559 011 زەرتتەۋ جٷرگٸزٸلدٸ.
سوڭعى تەۋلٸكتە وبلىستا 105 ادامنان كوروناۆيرۋس انىقتالىپ, 49 ناۋقاس جازىلىپ شىقتى.
الدىڭعى اپتامەن سالىستىرعاندا, ٸندەت جۇقتىرعاندار سانى 9 پايىزعا (73 ادامعا) ازايدى.
باسقارما مەلٸمەتٸنە قاراعاندا, جىل باسىنان بەرٸ 12 282 ناۋقاس تٸركەلدٸ. ولاردىڭ 57,3 پايىزى (7045) ورال قالاسى, 13,2 پايىزى (1633) بەيتەرەك, 10,9 پايىزى (1340) بٶرلٸ اۋدانىنىڭ ٷلەسٸنە تيەدٸ.
«قازٸرگٸ كەزدە 1 123 تٶسەكتٸك 18 ينفەكتسييالىق ستاتسيوناردا 477 ناۋقاس ەم قابىلداۋدا. وبلىس بويىنشا كوروناۆيرۋسقا قارسى ۆاكتسينانىڭ بٸرٸنشٸ كومپونەنتٸن - 64 037 ادام, ەكٸنشٸ كومپونەنتٸن 25282 ادام الدى», - دەپ حابارلادى ۆەدومستۆودان.
