Batys Qazaqstan oblystyq soty óz áielin kepildikke alǵan Erlan Islamǵalievke qatysty úkimdi ózgerissiz qaldyrdy, dep habarlaidy "Ult aqparat".
BQO sotynyń baspasóz qyzmeti málim etkenindei, sot alqasy isti apelliatsiialyq tártipte qarap, osyndai sheshimge keldi.
Sot alqasy taraptardyń barlyq dálelderin zerttep, E.Islamǵalievtiń kinási tolyq dáleldengen dep sanady.
Onyń kinási tolyq anyqtalyp, jábirlenýshiniń, kýálardyń, saraptama qorytyndylarymen dáleldengen.
Apelliatsiialyq saty sonymen qatar sottalýshynyń jazasyn jeńildetetin jaǵdailar joq ekendigin jáne taǵaiyndalǵan jaza zań talaptaryna sáikes keletindigin atap ótti.
Osyǵan bailanysty sot úkimi ózgerissiz, apelliatsiialyq shaǵymdar qanaǵattandyrýsyz qaldyryldy.
Eske sala keteiik, budan buryn BQO-da óz áielin kepildikke alǵan turǵynǵa úkim shyqqanyn jazǵan bolatynbyz.
Sot úkimimen E.Islamǵaliev QR QK 110-baby 2-bóligi 1, 2, 4-tarmaǵy, 194-baby 4-bóligi 2-tarmaǵy, 261-baby 2-bóligi 4-tarmaǵy, 120-baby 2-bóligi 2-tarmaǵyna sáikes, iaǵni azaptaý, bopsalaý, kepilge alý jáne zorlaý baptarymen 13 jylǵa bas bostandyǵynan aiyrylǵan bolatyn.
