Premer-Ministr Álihan Smaiylov Batys Qazaqstan oblysyna jumys sapary aiasynda óńirdegi iri ónerkásiptik kásiporyndardyń biri – Oral transformator zaýytyna bardy, dep habarlaidy "Ult aqparat" Úkimettiń resmi saityna silteme jasap.
Zaýyt «Biznestiń jol kartasy-2025» arqyly memlekettik qoldaý aiasynda nesieniń paiyzdyq mólsherlemesine 3 mlrd teńgege sýbsidiia aldy. Qazirgi ýaqytta kásiporyn shyǵaratyn kúshtik transformatorlar ishki naryqqa da, eksportqa da jiberiledi.
Premer-Ministr kásiporynnyń jumysymen tanysyp, otandyq ónimderdiń kórmesin aralady, sondai-aq oblystyń ónerkásip kásiporyndarynyń basshylarymen áńgimelesti.
Ol búginde mashina jasaý salasy - jyl saiyn orta eseppen 18%-ǵa ósim kórsetetin, eń qarqyndy damyp kele jatqan sala ekenin atap ótti. Elimizde 3300-ge jýyq kásiporyn bar, olarda 115 myńnan astam adam jumys isteidi. Qosalqy bólshekterden bastap zamanaýi tehnikalardy qurastyrýǵa deiin kóptegen ónim túri shyǵarylady.
Úkimet basshysynyń aitýynsha, óńirdegi mashina jasaýdyń taǵy bir perspektivaly baǵyty elektr energetikasy bolýy tiis.
«Elektr energiiasyn tutynýdyń ortasha jyldyq kórsetkishi birtindep ósip keledi, bul energetikalyq jabdyqty únemi jańartyp otyrýdy jáne jańǵyrtýdy qajet etedi, sol sebepti zaýytyńyzdyń ónimderine suranys artpaq», — dep atap ótti Álihan Smaiylov.
Sonymen qatar Premer-Ministr Memleket basshysy otandyq kásiporyndar men investorlarǵa qoldaý kórsetýdi tapsyrǵanyn aitty.
Osylaisha, Úkimet eldiń ónerkásiptik damýyn yntalandyrýdyń teńdessiz sharalaryn qabyldap jatyr: biyldyń ózinde damý institýttaryna tiimdi jobalardy nesielendirýge 400 mlrd teńgeden astam qarjy baǵyttalady. 2025 jylǵa deiin óńdeý salalarynda shamamen 450 jobany iske asyrý josparlanyp otyr.
«Batys Qazaqstan oblysy boiynsha barlyǵy 12 jobaǵa ótinim berilgen. Bul – oblys múmkindikteriniń tolyq qamtylmaǵanyn kórsetedi. Óńirdiń ereksheligin eskersek, munai-gaz himiiasyn, taý-ken metallýrgiia keshenin, qurylys indýstriiasyn, munai-gaz mashinasyn jasaýdy damytý salasynda úlken áleýet bar. Oblys basshylyǵy men jergilikti biznes belsendi túrde jumys istep, jańa óndirister quryp, jumys istep turǵandaryn keńeitip, sol arqyly jumys oryndary men jańa ónim túrlerin shyǵarýdy qamtamasyz etýi tiis», — dedi Úkimet basshysy.
