پرەمەر-مينيستر ەليحان سمايىلوۆ باتىس قازاقستان وبلىسىنا جۇمىس ساپارى اياسىندا ٶڭٸردەگٸ ٸرٸ ٶنەركەسٸپتٸك كەسٸپورىنداردىڭ بٸرٸ – ورال ترانسفورماتور زاۋىتىنا باردى, دەپ حابارلايدى "ۇلت اقپارات" ٷكٸمەتتٸڭ رەسمي سايتىنا سٸلتەمە جاساپ.
زاۋىت «بيزنەستٸڭ جول كارتاسى-2025» ارقىلى مەملەكەتتٸك قولداۋ اياسىندا نەسيەنٸڭ پايىزدىق مٶلشەرلەمەسٸنە 3 ملرد تەڭگەگە سۋبسيدييا الدى. قازٸرگٸ ۋاقىتتا كەسٸپورىن شىعاراتىن كٷشتٸك ترانسفورماتورلار ٸشكٸ نارىققا دا, ەكسپورتقا دا جٸبەرٸلەدٸ.
پرەمەر-مينيستر كەسٸپورىننىڭ جۇمىسىمەن تانىسىپ, وتاندىق ٶنٸمدەردٸڭ كٶرمەسٸن ارالادى, سونداي-اق وبلىستىڭ ٶنەركەسٸپ كەسٸپورىندارىنىڭ باسشىلارىمەن ەڭگٸمەلەستٸ.
ول بٷگٸندە ماشينا جاساۋ سالاسى - جىل سايىن ورتا ەسەپپەن 18%-عا ٶسٸم كٶرسەتەتٸن, ەڭ قارقىندى دامىپ كەلە جاتقان سالا ەكەنٸن اتاپ ٶتتٸ. ەلٸمٸزدە 3300-گە جۋىق كەسٸپورىن بار, ولاردا 115 مىڭنان استام ادام جۇمىس ٸستەيدٸ. قوسالقى بٶلشەكتەردەن باستاپ زاماناۋي تەحنيكالاردى قۇراستىرۋعا دەيٸن كٶپتەگەن ٶنٸم تٷرٸ شىعارىلادى.
ٷكٸمەت باسشىسىنىڭ ايتۋىنشا, ٶڭٸردەگٸ ماشينا جاساۋدىڭ تاعى بٸر پەرسپەكتيۆالى باعىتى ەلەكتر ەنەرگەتيكاسى بولۋى تيٸس.
«ەلەكتر ەنەرگيياسىن تۇتىنۋدىڭ ورتاشا جىلدىق كٶرسەتكٸشٸ بٸرتٸندەپ ٶسٸپ كەلەدٸ, بۇل ەنەرگەتيكالىق جابدىقتى ٷنەمٸ جاڭارتىپ وتىرۋدى جەنە جاڭعىرتۋدى قاجەت ەتەدٸ, سول سەبەپتٸ زاۋىتىڭىزدىڭ ٶنٸمدەرٸنە سۇرانىس ارتپاق», — دەپ اتاپ ٶتتٸ ەليحان سمايىلوۆ.
سونىمەن قاتار پرەمەر-مينيستر مەملەكەت باسشىسى وتاندىق كەسٸپورىندار مەن ينۆەستورلارعا قولداۋ كٶرسەتۋدٸ تاپسىرعانىن ايتتى.
وسىلايشا, ٷكٸمەت ەلدٸڭ ٶنەركەسٸپتٸك دامۋىن ىنتالاندىرۋدىڭ تەڭدەسسٸز شارالارىن قابىلداپ جاتىر: بيىلدىڭ ٶزٸندە دامۋ ينستيتۋتتارىنا تيٸمدٸ جوبالاردى نەسيەلەندٸرۋگە 400 ملرد تەڭگەدەن استام قارجى باعىتتالادى. 2025 جىلعا دەيٸن ٶڭدەۋ سالالارىندا شامامەن 450 جوبانى ٸسكە اسىرۋ جوسپارلانىپ وتىر.
«باتىس قازاقستان وبلىسى بويىنشا بارلىعى 12 جوباعا ٶتٸنٸم بەرٸلگەن. بۇل – وبلىس مٷمكٸندٸكتەرٸنٸڭ تولىق قامتىلماعانىن كٶرسەتەدٸ. ٶڭٸردٸڭ ەرەكشەلٸگٸن ەسكەرسەك, مۇناي-گاز حيميياسىن, تاۋ-كەن مەتاللۋرگييا كەشەنٸن, قۇرىلىس يندۋستريياسىن, مۇناي-گاز ماشيناسىن جاساۋدى دامىتۋ سالاسىندا ٷلكەن ەلەۋەت بار. وبلىس باسشىلىعى مەن جەرگٸلٸكتٸ بيزنەس بەلسەندٸ تٷردە جۇمىس ٸستەپ, جاڭا ٶندٸرٸستەر قۇرىپ, جۇمىس ٸستەپ تۇرعاندارىن كەڭەيتٸپ, سول ارقىلى جۇمىس ورىندارى مەن جاڭا ٶنٸم تٷرلەرٸن شىعارۋدى قامتاماسىز ەتۋٸ تيٸس», — دەدٸ ٷكٸمەت باسشىسى.
