Batys Qazaqstan oblysynyń «qyzyl» aimaqqa enýine bailanysty qatań shekteý sharalary engiziledi, dep habarlaidy QazAqparat.
BQO sanitarlyq-epidemiologiialyq baqylaý departamenti basshysynyń orynbasary Nurlybek Mustaevtyń óńirlik kommýnikatsiialar qyzmeti alańynda ótken brifingide málim etkenindei, óńirlik jedel shtab pen vedomstvoaralyq komissiia sheshimi negizinde oblystyń bas memlekettik sanitar dárigeriniń qaýlysy shyǵady.
Onyń aitýynsha, ótken táýlikte óńirde 186 adamnan koronavirýs anyqtalsa, aldaǵy kúnderi odan da kóbeiip, 300-ge jetýi yqtimal.
Sondyqtan epidemiologiialyq ahýaldy turaqtandyrý maqsatynda jańa qaýlyǵa sáikes otbasylyq jáne basqa kópshilik is-sharalardy ótkizýge tyiym salynady. Tek
«Ashyq» jobasymen jumys isteitin nysandarda 30 adamǵa deiin sadaqa sekildi jiyndy ótkizýge ruqsat beriledi.
Kinoteatrlar, qoǵamdyq tamaqtandyrý oryndarynda da shekteýler engiziledi.
«Mekemeler óz qyzmetkerleriniń keminde 70 paiyzyn qashyqtan jumys isteýge kóshirýi tiis. Sondai-aq bala sany 600-den aspaityn mektepter shtattyq, 600-den joǵary bilim ordalary qashyqtan oqytýǵa aýysady. Kolledjder men JOO-lar aralas oqytýǵa kóshedi. Eger oqýshylar men stýdentter túgeldei ekpe alǵan bolsa, olardy qandai rejimde oqytý máselesin sol oqý oryndarynyń basshylary sheshedi», - dedi N.Mustaev.
