باتىس قازاقستان وبلىسىنىڭ «قىزىل» ايماققا ەنۋٸنە بايلانىستى قاتاڭ شەكتەۋ شارالارى ەنگٸزٸلەدٸ, دەپ حابارلايدى قازاقپارات.
بقو سانيتارلىق-ەپيدەميولوگييالىق باقىلاۋ دەپارتامەنتٸ باسشىسىنىڭ ورىنباسارى نۇرلىبەك مۇستاەۆتىڭ ٶڭٸرلٸك كوممۋنيكاتسييالار قىزمەتٸ الاڭىندا ٶتكەن بريفينگٸدە مەلٸم ەتكەنٸندەي, ٶڭٸرلٸك جەدەل شتاب پەن ۆەدومستۆوارالىق كوميسسييا شەشٸمٸ نەگٸزٸندە وبلىستىڭ باس مەملەكەتتٸك سانيتار دەرٸگەرٸنٸڭ قاۋلىسى شىعادى.
ونىڭ ايتۋىنشا, ٶتكەن تەۋلٸكتە ٶڭٸردە 186 ادامنان كوروناۆيرۋس انىقتالسا, الداعى كٷندەرٸ ودان دا كٶبەيٸپ, 300-گە جەتۋٸ ىقتيمال.
سوندىقتان ەپيدەميولوگييالىق احۋالدى تۇراقتاندىرۋ ماقساتىندا جاڭا قاۋلىعا سەيكەس وتباسىلىق جەنە باسقا كٶپشٸلٸك ٸس-شارالاردى ٶتكٸزۋگە تىيىم سالىنادى. تەك
«Ashyq» جوباسىمەن جۇمىس ٸستەيتٸن نىسانداردا 30 ادامعا دەيٸن ساداقا سەكٸلدٸ جيىندى ٶتكٸزۋگە رۇقسات بەرٸلەدٸ.
كينوتەاترلار, قوعامدىق تاماقتاندىرۋ ورىندارىندا دا شەكتەۋلەر ەنگٸزٸلەدٸ.
«مەكەمەلەر ٶز قىزمەتكەرلەرٸنٸڭ كەمٸندە 70 پايىزىن قاشىقتان جۇمىس ٸستەۋگە كٶشٸرۋٸ تيٸس. سونداي-اق بالا سانى 600-دەن اسپايتىن مەكتەپتەر شتاتتىق, 600-دەن جوعارى بٸلٸم وردالارى قاشىقتان وقىتۋعا اۋىسادى. كوللەدجدەر مەن جوو-لار ارالاس وقىتۋعا كٶشەدٸ. ەگەر وقۋشىلار مەن ستۋدەنتتەر تٷگەلدەي ەكپە العان بولسا, ولاردى قانداي رەجيمدە وقىتۋ مەسەلەسٸن سول وقۋ ورىندارىنىڭ باسشىلارى شەشەدٸ», - دەدٸ ن.مۇستاەۆ.
