Batys Qazaqstan oblysynda jańa oqý jyly bastalǵannan beri 130 oqýshydan koronavirýs anyqtaldy, dep habarlaidy "Ult aqparat".
BQO sanitarlyq-epidemiologiialyq baqylaý departamenti basshysynyń orynbasary Nurlybek Mustaevtyń óńirlik kommýnikatsiialar qyzmeti alańynda ótken brifingide málim etkenindei, sonyń ishinde 64-i Oral qalasynda, qalǵan 66-sy oblys aýdandaryndaǵy mektepterde bilim alady.
Kúni búgin qala men aýdandardyń bas memlekettik sanitar dárigerleriniń qaýlysymen 26 mektepte 38 synyp, orta bilim berý uiymdarynda 3 jáne JOO-da 1 top karantinge jabyldy.
Nurlybek Ermekulynyń sózine qaraǵanda, qyrkúiek aiynda barlyǵy 925 adamnan kovid tabyldy. Sonyń 484-i, iaǵni 52 paiyzy JRVI belgileri boiynsha tekserilgen. 251-i (27 paiyz) profilaktikalyq maqsatta qaralǵan. 184-i (20 paiyz) buryn aýyrǵandarmen qarym-qatynasta bolǵan. 6 adamnan (1 paiyz) epidemiologiialyq qadaǵalaý kezinde synama alynǵan.
Aýyrǵandardyń 35 paiyzy (327) Oral qalasynda, 12 paiyzy (114) Báiterek, 11 paiyzy (110) Bórli, 8 paiyzy (80) Shyńǵyrlaý, 6 paiyzy (57) Terekti jáne 4 paiyzy (41) Kaztalov aýdanynda tirkelip otyr.
Solardyń ishinde 137-si – 14 jasqa deiingiler, 64-i – 15-17, 57-si – 18-25, 228-i – 26-40, 217-si – 41-60 jas aralyǵyndaǵylar, 222-si – alpystan asqandar.
Kásibi quramy boiynsha 385-i (41,6 paiyzy) – jumys isteitinder, 106-sy (11,4 paiyzy) – jumyssyzdar, 222-si (24 paiyzy) – zeinetkerler, 130-y (14 paiyzy) – oqýshylar, 22-si (2,3 paiyzy) – meditsina qyzmetkerleri.
Sońǵy aptada (3-9 qyrkúiek) aldyńǵymen (27 tamyz – 2 qyrkúiek) salystyrǵanda, koronavirýs juqtyrý kórsetkishi 10,2 paiyzǵa (725-ten 651-ge) tómendedi.
«Sońǵy aptada monitoringtik toptar 87 reid barysynda 702 nysandy qamtydy. 15 nysanda karantin talabyn buzýshylyq anyqtaldy. Soǵan sáikes QR Ákimshilik quqyqbuzýshylyq kodeksi 425-baby 1-bóligine sáikes 18 hattama toltyrylyp, 1 mln. 370,990 myń teńge aiyppul salyndy. Sondai-aq «Ashyq» jobasymen jumys isteitin nysandarǵa úilerinde oqshaýlanýy tiis 102 adamnyń (44-i – qyzyl, 58-i – sary mártebe) kelgeni anyqtaldy. Atalǵan bap boiynsha jeke tulǵalarǵa qatysty 4 mln 783,880 myń teńge kóleminde barlyǵy 110 ákimshilik hattama toltyryldy», dedi Mustaev.
