Batys Qazaqstan oblysy mektepterinde úshinshi toqsannan bastap oqytý formatyna ózgeris engizildi, dep habarlaidy "Ult aqparat".
BQO Bilim basqarmasynyń basshysy Aigúl Myńbaeva Óńirlik kommýnikatsiialar qyzmeti alańyndaǵy brifingide málim etkendei, qazirgi kezde oblysta oqytý shtattyq, aralas jáne qashyqtan júrgizilýde.
Onyń aitýynsha, óńirde 111 132 shákirti bar 379 mektep jumys isteidi.
Mektepterde sanitarlyq qaýipsizdik talaptaryn qatań saqtai otyryp, synyptarda 15 adamǵa deiin otyratyn, balalar sany 300-ge deiingi 256 mektepte 25881 bala (23,3 paiyz) - shtattyq, 110 mektepte 85239 bala (76,7 paiyz) aralas rejimde bilim alýda. Ata-analardyń ótinishine sáikes 1 mektepte 12 bala (0,01 paiyz) qashyqtan oqytylýda.
Vedomstvoaralyq komissiianyń sheshimi boiynsha úshinshi toqsannan bastap 9 jáne 11-inshi (12) synyp oqýshylary aralas sipatta bilim alady. Bul synyptarda matematika, qazaq tili, orys tili, shet tili, fizika, himiia, biologiia, algebra, geometriia jáne tarih pánderi, iaǵni barlyq pánniń 70 paiyzy mektepte oqytylady.
«Mektepterde ikemdi sabaq kesteleri jasalyp, sabaqtar arasyndaǵy úzilister ártúrli synyptar úshin túrli ýaqytta uiymdastyrylady. Sondai-aq áleýmettik qashyqtyqty saqtaý úshin aýysymdar sany kóbeitilip, pánderdiń 30 paiyzy qashyqtan oqytylady. Mundai sheshim ata-analar men kópshiliktiń pikirin eskere otyryp qabyldandy», - dedi Aigúl Myńbaeva.
Oǵan qosa túlekterdiń oqý jyly sońynda qorytyndy attestattaý, olardyń kolledjge túsý úshin keshendi emtihan, JOO-ǵa túsý úshin UBT tapsyratyny eskerildi.
Oqýshylardyń baǵdarlamadan artta qalý deńgeiin anyqtaý jáne ony teńestirý úshin konsýltatsiialyq onkúndik uiymdastyrý jumystary bastaldy. Ata-analar pikirin eskere otyryp, kezekshi synyptarda dástúrli sipatta oqýǵa múmkindigi joq shákirtterge muǵalimderdiń qalaýy boiynsha jeke keńes beriledi. Direktormen kezdesý, pedagogikalyq keńes májilisi, ata-analar jinalysy jáne basqa is-sharalar qashyqtan ótedi.
«Kásiptik bilim boiynsha aitsaq, 1-semestrde oblys boiynsha 1235 stýdenti bar 8 aýyldyq jáne jabyq mekemede (RÝ) ornalasqan kolledjder shtattyq rejimde jumys istedi. Ekinshi semestrden bastap 25 kolledjdegi 5376 1-kýrs stýdentteri aralas oqý formatyna (pánderdiń, modýlderdiń 70 paiyzy shtattyq, 30 paiyzy qashyqtan) kóshti. Bul kolledjderdegi 2-4 kýrs stýdentteri (10342 adam) qashyqtan oqýdy jalǵastyratyn bolady. Al óndiristik mashyqtan shtattyq rejimde ótedi. Kolledjderde oqytýǵa jáne mashyqtan ótýge óńirdegi epidemiologiialyq jaǵdaiǵa bailanysty ózgerister engizilýi múmkin», - dedi A.Myńbaeva.
