Batys Qazaqstan oblysynyń meditsina mekemelerinde qorǵanys quraldarynyń ai jarymdyq qory bar, dep habarlaidy "Ult aqparat".
BQO densaýlyq saqtaý basqarmasy málim etkenindei, meditsina mekemelerinde 35353 dana birrettik, 3107 kóprettik kostiým daiyn tur.
Sondai-aq 2,6 mln astam dana bir rettik maska, qorǵanyshtyq deńgeii joǵary 47874 maska, 335511 jup birrettik qolǵap, 12861 litr antiseptik bar.
Oblystyq kásipkerlik jáne indýstrialdyq-innovatsiialyq damý basqarmasynyń málimeti boiynsha «Talap» AQ «PromoArt», «MegaPharma» JShS-men orta eseppen 40 teńgeden meditsinalyq maska jetkizýge kelisimshart jasasqan. Kúni búginge deiin 40 myń dana ákelingen.
Oblysta maska (136551 dana), antiseptik (5 myń litr), dezinfektsiialyq quraldar (6 tonna) jetkilikti.
Otandyq óndirýshi «Kazmedkom» JShS memlekettik tirkeýden ótken kezde aiyna qosymsha 1 mln dana maska tige alady.
Oblystyq taýarlar men kórsetiletin qyzmetterdiń sapasy men qaýipsizdigin baqylaý departamentinen túsken aqparatqa qaraǵanda, «AQJAIYQ» ÁKK» AQ qorynda kúni búgin 1,820 mln dana maska bar.
Oblys dárihanalarynda dári-dármek pen meditsinalyq maskalardyń qanshalyqty ekendigi jóninde onlain túrde monitoring júrgiziledi. Kún saiyn farmatsevter mobildik qosymsha arqyly www.stopcovid.kz saityna málimet berip otyrady. Mysaly, dárihanalarda búgin 139 myńdai maska bolsa, kóterme saýda firmalarynda 69873 dana maska taǵy bar.
Dárihanalarda meditsinalyq maskalar 35-ten 60 teńgege deiingi baǵamen satylýda.
