Batys Qazaqstan oblystyq máslihatynyń depýtattary Zelenov aýdanynyń ataýyn ózgertý týraly usynysty qoldady, dep habarlaidy "Ult aqparat".
Oblystyq tilderdi damytý basqarmasynyń basshysy Aigúl Myńbaevanyń aitýynsha, aýdannyń 22 aýyldyq okrýgi men aýdan ortalyǵynda Zelenov aýdanynyń ataýyn Báiterek dep ataý jóninde usynys talqylanyp, ol kópshilik tarapynan qoldaý tapty.
Sonymen qatar aýdandyq turaqty komissiia muny biraýyzdan qýattap, Zelenov aýdany ákimdigi men máslihaty birikken qaýly men sheshim qabyldady.
Usynysty oblystyq máslihat depýtattary da maquldady.
«Endi Úkimet janyndaǵy respýblikalyq onomastikalyq komissiianyń qaraýyna oblys ákimdigi men máslihattyń birikken qaýlysy jáne sheshimi jiberiledi», - dedi A.Myńbaeva.
Aita keteiik, Zelenov - oblystaǵy irilendirilgen aýdannyń biri. 1997 jyly oǵan burynǵy Priýral aýdany da kirdi. Zelenov Reseidiń Samara oblysy Bolshaia Chernigovka, Orynbordyń Pervomaiskii, Tashla, Saratovtyń Ozinki, Pereliýb aýdandarymen shektesedi.
