باتىس قازاقستان وبلىستىق مەسليحاتىنىڭ دەپۋتاتتارى زەلەنوۆ اۋدانىنىڭ اتاۋىن ٶزگەرتۋ تۋرالى ۇسىنىستى قولدادى, دەپ حابارلايدى "ۇلت اقپارات".
وبلىستىق تٸلدەردٸ دامىتۋ باسقارماسىنىڭ باسشىسى ايگٷل مىڭباەۆانىڭ ايتۋىنشا, اۋداننىڭ 22 اۋىلدىق وكرۋگٸ مەن اۋدان ورتالىعىندا زەلەنوۆ اۋدانىنىڭ اتاۋىن بەيتەرەك دەپ اتاۋ جٶنٸندە ۇسىنىس تالقىلانىپ, ول كٶپشٸلٸك تاراپىنان قولداۋ تاپتى.
سونىمەن قاتار اۋداندىق تۇراقتى كوميسسييا مۇنى بٸراۋىزدان قۋاتتاپ, زەلەنوۆ اۋدانى ەكٸمدٸگٸ مەن مەسليحاتى بٸرٸككەن قاۋلى مەن شەشٸم قابىلدادى.
ۇسىنىستى وبلىستىق مەسليحات دەپۋتاتتارى دا ماقۇلدادى.
«ەندٸ ٷكٸمەت جانىنداعى رەسپۋبليكالىق ونوماستيكالىق كوميسسييانىڭ قاراۋىنا وبلىس ەكٸمدٸگٸ مەن مەسليحاتتىڭ بٸرٸككەن قاۋلىسى جەنە شەشٸمٸ جٸبەرٸلەدٸ», - دەدٸ ا.مىڭباەۆا.
ايتا كەتەيٸك, زەلەنوۆ - وبلىستاعى ٸرٸلەندٸرٸلگەن اۋداننىڭ بٸرٸ. 1997 جىلى وعان بۇرىنعى پريۋرال اۋدانى دا كٸردٸ. زەلەنوۆ رەسەيدٸڭ سامارا وبلىسى بولشايا چەرنيگوۆكا, ورىنبوردىڭ پەرۆومايسكيي, تاشلا, ساراتوۆتىڭ وزينكي, پەرەليۋب اۋداندارىمەن شەكتەسەدٸ.
