Batys Qazaqstan oblysy Densaýlyq saqtaý basqarmasynyń basshysy para alý kúdigimen ustaldy. Bul týraly QR Sybailas jemqorlyqqa qarsy is-qimyl agenttigi 1-shi departamentiniń asa mańyzdy ister jónindegi tergeýshisi Daniiar Biǵaidarov málim etti, dep habarlaidy "Ult aqparat".
«Ótken 2 aptada Sybailas jemqorlyqqa qarsy qyzmet sotqa deiingi 80-nen astam tergeýdi tirkedi. 8 laýazymdy tulǵa ustaldy, 6 adamǵa qatysty «kúzetpen ustaý» bultartpaý sharasy qoldanyldy», - dedi dedi D. Biǵaidarov Facebook paraqshasynda ótken onlain brifingide.
Onyń sózine qaraǵanda, Batys Qazaqstan oblysy boiynsha Sybailas jemqorlyqqa qarsy qyzmet «Batys Qazaqstan oblysynyń Densaýlyq saqtaý basqarmasy» MM basshysy men onyń sybailasyna qatysty tergeýdi bastady.
«Olar 2020 jylǵy 12-23 qazan aralyǵynda kompaniia direktorynan jalpy somasy 78 000 000 teńgege meditsinalyq jabdyqtardy jetkizýge memlekettik satyp alý týraly JShS-men buryn jasalǵan sharttar boiynsha oryndalǵan jumystar men qabyldaý aktilerine kedergisiz qol qoiý úshin para túrinde jalpy somasy 7 800 000 teńge alǵan», - dedi agenttik ókili.
Belgili bolǵandai, memlekettik mekemeniń basshysy jáne onyń sybailasy QR QPK 128-baby tártibinde ustalyp, Oral qalasynyń politsiia basqarmasynyń ýaqytsha ustaý abaqtysyna qamaldy.
