22 qarasha kúni tańerteń Aqsai qalasynyń 10-shaǵyn aýdanyndaǵy №19 úide órt shyqty. Batys Qazaqstan oblysynyń Tótenshe jaǵdailar departamentiniń málimetinshe, tórtinshi qabattaǵy páterde jihaz ben jeke zattar janǵan. Órttiń jalpy aýmaǵy 60 sharshy metrdi qurady. Qutqarýshylar 12 adamdy evakýatsiialady, olardyń jeteýi – balalar.
Áleýmettik jelilerde oqiǵa ornynan túsirilgen qorqynyshty kadrlar taralýda. Beinejazbada tórtinshi qabattaǵy terezeden eki kishkentai balanyń sekirgeni kórinedi. Tómende turǵan er adamdar olardy arnaiy mata arqyly ustaýǵa tyrysqan. Ókinishke qarai, ekinshi bala qulaǵan kezde matanyń sheti shyǵyp ketken. Eki bala da aýrýhanaǵa jetkizildi. Oblystyq densaýlyq saqtaý basqarmasynyń baspasóz qyzmeti olardyń jaǵdaiy týraly keiinirek aqparat beretinin habarlady.
Órt saǵat 9:47-de sóndirildi. Órttiń sebepteri anyqtalýda. Aqsai qalasy ákimdigi jaǵdaidy baqylaýda ustap otyrǵanyn jáne otbasyna kómek kórsetiletinin málimdedi.
"Qazirgi ýaqytta 4 jáne 8 jastaǵy eki bala men 43 jastaǵy áiel jansaqtaý bóliminde jatyr. Dárigerler olardyń jaǵdaiyn aýyr dep baǵalap otyr. Olar qajetti em alyp jatyr", — dep habarlady vedomstvo ókilderi.
Qala ákimdigi oqiǵany qatań baqylaýda ustap otyrǵanyn jáne zardap shekken otbasyna tiisti kómek kórsetiletinin atap ótti.
