Batys Qazaqstan oblysynda jyl basynan beri 925 adamnan koronavirýs tabyldy, dep habarlaidy "Ult aqparat".
BQO sanitarlyq-epidemiologiialyq baqylaý departamenti basshysynyń orynbasary Nurlybek Mustaevtyń óńirlik kommýnikatsiialar qyzmeti alańynda málim etkenindei, sońǵy aptada (15-21 qańtar) aldyńǵy aptamen (8-14 qańtar) salystyrǵanda, syrqattanýshylyq deńgeii 11,8 paiyzǵa (331-den 353-ke) ósken.
Virýs juqtyrýdyń eń joǵary kórsetkishi Oral qalasynda tirkeldi. Munda 364 adamnan koronavirýs tabylyp, 100 myń turǵynǵa shaqqanda 107,9-dan shyǵyp tur. Sondai-aq Báiterek (162 adam) aýdanynda 100 myń turǵynǵa 249,9-dan, Bórlide (151) 254,7-den keledi.
JRVI belgileri bar naýqastardy tekserý kezinde 441 (47 paiyz), buryn aýyrǵandarmen bailanysta bolǵan 273 (29 paiyz), kásibi maqsatta synama alynǵan 170 (18 paiyz) jáne statsionarlarǵa emdeýge jatqyzar aldynda tekserilgen 41 adamnan (4 paiyz) virýs anyqtaldy. Osylarmen qarym-qatynasta bolǵan 1463 adam tekserilip, meditsinalyq baqylaýǵa alyndy.
Nurlybek Ermekulynyń sózine qaraǵanda, aýyrǵandardyń 377-si nemese 40,7 paiyzy – jumys isteitin adamdar, 196-sy (21,1 paiyzy) – zeinetkerler, 165-i (17,8 paiyzy) – jumyssyzdar, 75-i (8,1 paiyzy) – oqýshylar, 46-sy (4,9 paiyzy) – muǵalimder, 31-i (3,3 paiyzy) – meditsina qyzmetkerleri, 15-i (1,6 paiyzy) – stýdentter, 12-si (1,2 paiyzy) – uiymdastyrylmaǵan balalar, tórteýi (0,4 paiyzy) – kúshtik qurylymdar ókilderi, úsheýi (0,3 paiyzy) – balabaqsha tárbieshileri, bireýi (0,1 paiyzy) – uiymdastyrylǵan bala.
«Oqý jylynyń basynan beri 263 shákirttiń syrqattanǵany tirkeldi, olardyń 131-i shtattyq rejimde, 132-si qashyqtan oqytylǵan. Al úshinshi toqsanda 11 qańtardan bastap 48 oqýshynyń indet juqtyrǵany rastaldy. Olardyń 16-sy qashyqtan, 33-i dástúrli sipatta bilim alady. Soǵan sáikes qala men aýdandardyń bas memlekettik sanitar dárigerleriniń qaýlysymen 15 mektepte aýrý shyqqan synyptar karantinge jabyldy», dedi N.Mustaev.
Qazirgi kezde óńirde 13 zerthana jumys jasaýda. Indet bastalǵannan beri barlyǵy 258285, al qańtar aiynda 39670 PTR zertteý júrgizildi.
Qańtarda 14249 adam memlekettik shekaradan ótse, sonyń 3711-i – jolaýshylar. Anyqtamasyz ótken 390 adamnyń ekeýinen indet tabyldy. Halyqaralyq júk tasymalymen ainalysatyn 7009 júrgizýshiniń 2883-inde anyqtama bolǵan joq. 3 júrgizýshiniń koronavirýs juqtyrǵany belgili boldy.
