Batys Qazaqstan oblysy Bókei Orda aýdanyndaǵy 127 mal sharýashylyǵy Resei jalǵa alǵan áskeri synaq poligony aýmaǵynda ornalasqan. Bul týraly Azattyqqa aýdan ákimi Nurlan Raqymjanov aitty.
Ákimniń sózinshe, jalǵa alǵan jer qaýiptiligi jaǵynan úshke bólingen. Sharýashylyqtar úshinshi kategoriiada ornalasqan.
- Úshinshi kategoriiada synaq óte az bolady. Negizgi synaqtar birinshi jáne ekinshi kategoriiada júrgiziledi. Áskeriler ol jerde synaq bastalǵany týraly eskertý jasaýǵa mindetti emes. Sebebi ol mańda bizdiń sharýashylyqtar bolmaýy kerek, - deidi ákim.
Ákimdiktiń esebinshe, Bókei Orda aýdanynyń barlyq aýmaǵynyń (1 mln 931 gekter) jartysyn (944 myń gektar) Resei jalǵa alǵan. Onda Reseidiń Memlekettik ushý-synaq ortalyǵy men Kapýstin Iar synaq alańy ornalasqan.
Astana men Máskeýdiń kelisimi boiynsha bul aimaqqa qurylys salýǵa tyiym salynǵan. Al aýdan basshylyǵy aimaqtaǵy órt qaýipsizdigin qamtamasyz etýi tiis.
2017 jyly aimaqtaǵy 1400 gektardy Qazaqstan qiyrshyq tas óndirý úshin qaitaryp alǵan.
