باتىس قازاقستان وبلىسى بٶكەي وردا اۋدانىنداعى 127 مال شارۋاشىلىعى رەسەي جالعا العان ەسكەري سىناق پوليگونى اۋماعىندا ورنالاسقان. بۇل تۋرالى ازاتتىققا اۋدان ەكٸمٸ نۇرلان راقىمجانوۆ ايتتى.
ەكٸمنٸڭ سٶزٸنشە, جالعا العان جەر قاۋٸپتٸلٸگٸ جاعىنان ٷشكە بٶلٸنگەن. شارۋاشىلىقتار ٷشٸنشٸ كاتەگورييادا ورنالاسقان.
- ٷشٸنشٸ كاتەگورييادا سىناق ٶتە از بولادى. نەگٸزگٸ سىناقتار بٸرٸنشٸ جەنە ەكٸنشٸ كاتەگورييادا جٷرگٸزٸلەدٸ. ەسكەريلەر ول جەردە سىناق باستالعانى تۋرالى ەسكەرتۋ جاساۋعا مٸندەتتٸ ەمەس. سەبەبٸ ول ماڭدا بٸزدٸڭ شارۋاشىلىقتار بولماۋى كەرەك, - دەيدٸ ەكٸم.
ەكٸمدٸكتٸڭ ەسەبٸنشە, بٶكەي وردا اۋدانىنىڭ بارلىق اۋماعىنىڭ (1 ملن 931 گەكتەر) جارتىسىن (944 مىڭ گەكتار) رەسەي جالعا العان. وندا رەسەيدٸڭ مەملەكەتتٸك ۇشۋ-سىناق ورتالىعى مەن كاپۋستين يار سىناق الاڭى ورنالاسقان.
استانا مەن مەسكەۋدٸڭ كەلٸسٸمٸ بويىنشا بۇل ايماققا قۇرىلىس سالۋعا تىيىم سالىنعان. ال اۋدان باسشىلىعى ايماقتاعى ٶرت قاۋٸپسٸزدٸگٸن قامتاماسىز ەتۋٸ تيٸس.
2017 جىلى ايماقتاعى 1400 گەكتاردى قازاقستان قيىرشىق تاس ٶندٸرۋ ٷشٸن قايتارىپ العان.
