Batys Qazaqstan oblysyndaǵy Samara-Shymkent respýblikalyq tasjolynda eki júk kóligi soqtyǵysty. Apat saldarynan eki adam qaza tapty, - dep habarlaidy Tengrinews.kz.
Batys Qazaqstan oblysynyń Politsiia departamenti málimetinshe, 10 naýryzda saǵat 17.15 shamasynda Samara-Shymkent tasjolynda Syrym aýdany, Alǵabas aýylyna jaqyn jerde KamAZ jáne DAF kólikteri soqtyǵysqan.
"Soqtyǵys saldarynan DAF kóliginiń júrgizýshisi oqiǵa ornynda qaza tapty. Qutqarý jumystary kezinde KamAZ-daǵy 35 jastaǵy júrgizýshi esin jimastan qaza boldy. Biraz ýaqyttan keiin VAZ 2115 kóligi tasjolda turǵan KamAZ kóligine soǵylyp, 21 jastaǵy kólik júrgizýshisi men 52 jáne 36 jastaǵy eki jolaýshy túrli dene jaraqattarymen aýrýhanaǵa jetkizildi", - dedi politsiiadaǵylar.
Derek boiynsha QR Qylmystyq kodeksiniń 345-baby boiynsha sotaldy tergeý bastalyp, birqatar saraptamalar taǵaiyndalǵan.
