Batys Qazaqstan oblysynda joldy ýaqtyly kútip ustamaǵan «Qazavtojol» JShS BQO filialyna 74 mln-ǵa jýyq teńge aiyppul salyndy, dep habarlaidy "Ult aqparat".
«QazAvtoJol» UK» AQ BQO filialynyń ókilderi atalǵan kásiporynǵa qańtar aiynyń jumys nátijeleri boiynsha osyndai shara qabyldady.
«QazAvtoJol» UK» AQ BQO filialynyń direktory mindetin atqarýshy Eldar Sadyqtyń aitýynsha, óńirde respýblikalyq mańyzy bar joldyń uzyndyǵy 1414 shaqyrym bolsa, sonyń 238 shaqyrymy kúrdeli jóndelýde. Al 1176 shaqyrym jolǵa «Qazavtojol» JShS BQO filialy kútip ustaý jumystaryn júrgizýge tiis. Osy jolǵa 78 tehnika qyzmet kórsetetin bolsa, sonyń ishinde qysqy kútimge 49 tehnika qarastyrylǵan.
Aýa raiynyń qolaisyzdyǵyna bailanysty qosymsha qajettilik úshin 9 arnaiy tehnikaǵa kelisimshart jasaldy.
«Biylǵy 14 aqpanda oblysta aýa raiynyń kúrt ózgerip, burqasyn kóterilýi saldarynan respýblikalyq joldarda kóktaiǵaq qalyptasty. Osy derek úshin merdiger uiymǵa uiǵarym berildi, sonyń negizinde aqpan aiynyń qorytyndysy boiynsha sharalar qabyldanatyn bolady», dedi Eldar Ersaiynuly.
