Batys Qazaqstan oblysynda sý tasqyny bolyp jatyr. 12 aýyl órkenietten ajyrap, bir eldi mekende elektr qýaty úzildi, biraq sýdyń kóptiginen ony qalpyna keltirý qiyndap otyr, - dep habarlaidy Tengrinews.kz saity.
"Moi gorod" melimetinshe, oblystyq Jympity – Qaratóbe jolynyń 102-shaqyrymynda eni segiz metr, uzyndyǵy 500 metr bolatyn jerdi sý basqan. Alkól, Aqtai, Qoskól, Aqqozy, Qorjyn, Qosbaz, Sáýle jáne Qaraqamys siiaqty toǵyz eldi meken jol qatynasynsyz qaldy.
Shyńǵyrlaý aýdanynyń taǵy 3 aýyly: Almaz, Aqtaý jáne Segizsai aýyldary órkenietten ajyrap qalǵan.
Sonymen qatar, elektr jelisindegi aqaýǵa bailanysty Syrym aýdany, Jambyl aýyly – barlyǵy 48 abonent jaryqsyz qaldy. Aýylǵa kirý múmkin bolmaǵandyqtan elektr jaryǵyn sý azaiǵannan keiin qosý josparlanǵan.
BQO Tótenshe jaǵdailar departamentiniń baspasóz qyzmeti sý tasqynyna qarsy jumystardyń túngi ýaqytta da júrgizilip jatqanyn túsindirdi. Sońǵy táýlikte 4000-ǵa jýyq inertti materialdar salynǵan qap jinalyp, qaýipti aimaqtarǵa tóselgen. Odan bólek, 30 myń tekshe metrden asa sý sorylyp, 12 ýchaskede sýdy aǵyzý úshin arnalar qazylǵany aityldy.
Jalpy Batys Qazaqstan oblysynda sý tasqyny bastalǵaly táýlik boiy júrgiziletin jumystarmen 340 myń tekshe metr sý sorylyp, 25 myń qap inertti materialdar tóselgen.
Qutqarý jumystaryna myńǵa jýyq adam men 400-den asa tehnika jumyldyrylǵan, qutqarýshylar sýǵa shomylý quraldary men tikushaq ta tartqan.
