باتىس قازاقستان وبلىسىندا سۋ تاسقىنى بولىپ جاتىر. 12 اۋىل ٶركەنيەتتەن اجىراپ, بٸر ەلدٸ مەكەندە ەلەكتر قۋاتى ٷزٸلدٸ, بٸراق سۋدىڭ كٶپتٸگٸنەن ونى قالپىنا كەلتٸرۋ قيىنداپ وتىر, - دەپ حابارلايدى Tengrinews.kz سايتى.
"موي گورود" مەلٸمەتٸنشە, وبلىستىق جىمپيتى – قاراتٶبە جولىنىڭ 102-شاقىرىمىندا ەنٸ سەگٸز مەتر, ۇزىندىعى 500 مەتر بولاتىن جەردٸ سۋ باسقان. الكٶل, اقتاي, قوسكٶل, اققوزى, قورجىن, قوسباز, سەۋلە جەنە قاراقامىس سيياقتى توعىز ەلدٸ مەكەن جول قاتىناسىنسىز قالدى.
شىڭعىرلاۋ اۋدانىنىڭ تاعى 3 اۋىلى: الماز, اقتاۋ جەنە سەگٸزساي اۋىلدارى ٶركەنيەتتەن اجىراپ قالعان.
سونىمەن قاتار, ەلەكتر جەلٸسٸندەگٸ اقاۋعا بايلانىستى سىرىم اۋدانى, جامبىل اۋىلى – بارلىعى 48 ابونەنت جارىقسىز قالدى. اۋىلعا كٸرۋ مٷمكٸن بولماعاندىقتان ەلەكتر جارىعىن سۋ ازايعاننان كەيٸن قوسۋ جوسپارلانعان.
بقو تٶتەنشە جاعدايلار دەپارتامەنتٸنٸڭ باسپاسٶز قىزمەتٸ سۋ تاسقىنىنا قارسى جۇمىستاردىڭ تٷنگٸ ۋاقىتتا دا جٷرگٸزٸلٸپ جاتقانىن تٷسٸندٸردٸ. سوڭعى تەۋلٸكتە 4000-عا جۋىق ينەرتتٸ ماتەريالدار سالىنعان قاپ جينالىپ, قاۋٸپتٸ ايماقتارعا تٶسەلگەن. ودان بٶلەك, 30 مىڭ تەكشە مەتردەن اسا سۋ سورىلىپ, 12 ۋچاسكەدە سۋدى اعىزۋ ٷشٸن ارنالار قازىلعانى ايتىلدى.
جالپى باتىس قازاقستان وبلىسىندا سۋ تاسقىنى باستالعالى تەۋلٸك بويى جٷرگٸزٸلەتٸن جۇمىستارمەن 340 مىڭ تەكشە مەتر سۋ سورىلىپ, 25 مىڭ قاپ ينەرتتٸ ماتەريالدار تٶسەلگەن.
قۇتقارۋ جۇمىستارىنا مىڭعا جۋىق ادام مەن 400-دەن اسا تەحنيكا جۇمىلدىرىلعان, قۇتقارۋشىلار سۋعا شومىلۋ قۇرالدارى مەن تٸكۇشاق تا تارتقان.
