Batys Qazaqstan oblysynda joǵalyp ketken bala pishenniń arasynda uiyqtap jatqan jerinen tabyldy, dep habarlaidy QazAqparat.
BQO politsiia departamentiniń resmi ókili Bolatbek Nurǵojinniń málim etkenindei, oqiǵa 13 qazan kúni keshkisin Báiterek aýdany Zelenyi aýylynda boldy.
Onyń sózine qaraǵanda, shamamen saǵat 20.15-te 2012 jylǵy Denistiń joǵalyp ketkeni jóninde habar túsken.
Balany izdeýge politsiia departamenti bastyǵynyń buiryǵymen búkil jeke quram jumyldyryldy.
«Departament bastyǵynyń birinshi orynbasary, politsiia polkovnigi Janbolat Janshinniń basshylyǵymen tártip saqshylary aýyldyń túkpir-túkpirin qarap, túni boiy izdestirdi. Tańmen saǵat 07.00-de basqa úidiń aýlasyndaǵy pishenniń arasynda uiyqtap jatqan jerinen balany kriminalist Roman Ksenofontov, jedel ýákil Serik Qarlybaev, júrgizýshi politsei Rinat Tóleýǵaliev tapty. Qazir bala úiinde», dedi Nurǵojin.
Bala oinap júrip, pishenniń arasynda uiyqtap qalǵan.
