باتىس قازاقستان وبلىسىندا جوعالىپ كەتكەن بالا پٸشەننٸڭ اراسىندا ۇيىقتاپ جاتقان جەرٸنەن تابىلدى, دەپ حابارلايدى قازاقپارات.
بقو پوليتسييا دەپارتامەنتٸنٸڭ رەسمي ٶكٸلٸ بولاتبەك نۇرعوجيننٸڭ مەلٸم ەتكەنٸندەي, وقيعا 13 قازان كٷنٸ كەشكٸسٸن بەيتەرەك اۋدانى زەلەنىي اۋىلىندا بولدى.
ونىڭ سٶزٸنە قاراعاندا, شامامەن ساعات 20.15-تە 2012 جىلعى دەنيستٸڭ جوعالىپ كەتكەنٸ جٶنٸندە حابار تٷسكەن.
بالانى ٸزدەۋگە پوليتسييا دەپارتامەنتٸ باستىعىنىڭ بۇيرىعىمەن بٷكٸل جەكە قۇرام جۇمىلدىرىلدى.
«دەپارتامەنت باستىعىنىڭ بٸرٸنشٸ ورىنباسارى, پوليتسييا پولكوۆنيگٸ جانبولات جانشيننٸڭ باسشىلىعىمەن تەرتٸپ ساقشىلارى اۋىلدىڭ تٷكپٸر-تٷكپٸرٸن قاراپ, تٷنٸ بويى ٸزدەستٸردٸ. تاڭمەن ساعات 07.00-دە باسقا ٷيدٸڭ اۋلاسىنداعى پٸشەننٸڭ اراسىندا ۇيىقتاپ جاتقان جەرٸنەن بالانى كريميناليست رومان كسەنوفونتوۆ, جەدەل ۋەكٸل سەرٸك قارلىباەۆ, جٷرگٸزۋشٸ پوليتسەي رينات تٶلەۋعاليەۆ تاپتى. قازٸر بالا ٷيٸندە», دەدٸ نۇرعوجين.
بالا ويناپ جٷرٸپ, پٸشەننٸڭ اراسىندا ۇيىقتاپ قالعان.
