Foto: pexels.com
Batys Qazaqstan oblysynyń prokýratýrasy tekserý barysynda zańsyz berilgen jer telimderin anyqtady. Bul týraly vedomstvo saitynda habarlandy.
"Báiterek aýdanynda jalpy aýdany 45,9 gektar jer telimderi baý-baqsha jáne saiajai qurylysyna satyp alý quqyǵymen azamattardyń jeke menshigine zańsyz berilgen", - delingen habarda.
Ýchaskeni jeke menshikke berý kezinde belgilengen tólemniń bazalyq mólsherlemesi negizsiz tómendetilgeni, osylaisha ýchaskeler 1,1 mln teńge kóleminde tómen baǵamen satylǵany anyqtaldy, al naqty baǵasy 107,3 mln teńge bolǵan.
Aýdandyq jer qatynastary bóliminiń bastyǵyna qatysty qyzmettik ókilettikterdi asyra paidalanǵany úshin arnaiy prokýrorlar sotqa deiingi tergep-tekserýdi (QR Qylmystyq kodeksiniń 361-babynyń 4-bóligi 3-tarmaq) júrgizdi.
Qylmystyq is aýdandyq sotqa jiberildi.
"2024 jyldyń 16 qyrkúieginde sot sottalýshyny kináli dep taýyp, 3 jyl 6 aiǵa bas bostandyǵynan aiyrdy. Memleketke keltirilgen shyǵyndy óteý týraly talap tolyǵymen qanaǵattandyryldy", - delingen habarda.
