فوتو: pexels.com
باتىس قازاقستان وبلىسىنىڭ پروكۋراتۋراسى تەكسەرۋ بارىسىندا زاڭسىز بەرٸلگەن جەر تەلٸمدەرٸن انىقتادى. بۇل تۋرالى ۆەدومستۆو سايتىندا حابارلاندى.
"بەيتەرەك اۋدانىندا جالپى اۋدانى 45,9 گەكتار جەر تەلٸمدەرٸ باۋ-باقشا جەنە ساياجاي قۇرىلىسىنا ساتىپ الۋ قۇقىعىمەن ازاماتتاردىڭ جەكە مەنشٸگٸنە زاڭسىز بەرٸلگەن", - دەلٸنگەن حاباردا.
ۋچاسكەنٸ جەكە مەنشٸككە بەرۋ كەزٸندە بەلگٸلەنگەن تٶلەمنٸڭ بازالىق مٶلشەرلەمەسٸ نەگٸزسٸز تٶمەندەتٸلگەنٸ, وسىلايشا ۋچاسكەلەر 1,1 ملن تەڭگە كٶلەمٸندە تٶمەن باعامەن ساتىلعانى انىقتالدى, ال ناقتى باعاسى 107,3 ملن تەڭگە بولعان.
اۋداندىق جەر قاتىناستارى بٶلٸمٸنٸڭ باستىعىنا قاتىستى قىزمەتتٸك ٶكٸلەتتٸكتەردٸ اسىرا پايدالانعانى ٷشٸن ارنايى پروكۋرورلار سوتقا دەيٸنگٸ تەرگەپ-تەكسەرۋدٸ (قر قىلمىستىق كودەكسٸنٸڭ 361-بابىنىڭ 4-بٶلٸگٸ 3-تارماق) جٷرگٸزدٸ.
قىلمىستىق ٸس اۋداندىق سوتقا جٸبەرٸلدٸ.
"2024 جىلدىڭ 16 قىركٷيەگٸندە سوت سوتتالۋشىنى كٸنەلٸ دەپ تاۋىپ, 3 جىل 6 ايعا باس بوستاندىعىنان ايىردى. مەملەكەتكە كەلتٸرٸلگەن شىعىندى ٶتەۋ تۋرالى تالاپ تولىعىمەن قاناعاتتاندىرىلدى", - دەلٸنگەن حاباردا.
