Foto: ashyq derekkóz
Qarjylyq monitoring agenttiginiń Batys Qazaqstan oblysy boiynsha departamenti banktik shottardy zańsyz ielenip, olar arqyly ruqsat etilmegen tólemder men aqsha aýdarymdaryn júzege asyrý deregi boiynsha sotqa deiingi tergeý júrgizip jatyr, dep habarlaidy Ult.kz.
Agenttik málimetinshe, qylmystyq top uiymdastyrýshylary ýaqytsha tabys tabý maqsatynda jastarǵa ekinshi deńgeili bankterden óz atyna shot ashýdy usynǵan.
Internet-bankingtiń mobildi qosymshasy ornatylǵannan keiin, shottarǵa kirý múmkindigi alaiaqtardyń baqylaýyna ótken.
Mundai zańsyz áreketterge qatysqan tulǵalar — «dropperler» — ár shot úshin 200-den 350 AQSh dollaryna deiin syiaqy alyp otyrǵan.
Qylmystyq top bul shottardy internet-alaiaqtyq qurbandarynan túsken aqshany ótkizý úshin paidalanǵan. Zańsyz ainalymdaǵy qarajattyń jalpy kólemi 17 mln teńgeden astqan.
Epizodtardyń birinde banktik kartasy buǵattalǵannan keiin bir dropper zańsyz áreketterge qatysýdan bas tartqan. Osydan keiin uiymdastyrýshylar ony qorqytyp, shotqa qaita kirýdi talap etken.
Qazirgi ýaqytta uiymdastyrýshy kúdikti retinde tanylyp, sot sanktsiiasymen qamaýǵa alynǵan. Tergeý jalǵasýda.
QMA azamattarǵa banktik derekterin úshinshi tulǵalarǵa bermeýdi jáne «ońai tabys» ýádelerine senbeýdi eskertedi.
Aita keteiik, 2025 jylǵy 16 qyrkúiekten bastap Qylmystyq kodekske banktik shotqa, tólem quralyna nemese sáikestendirý quralyna zańsyz qoljetimdilikti berý, taratý ne ielený úshin jaýapkershilikti belgileitin 232-1-bap engizilgen. Bul bap múlkin tárkilei otyryp, 7 jylǵa deiin bas bostandyǵynan aiyrý jazasyn qarastyrady.
