Batys Qazaqstan oblystyq qylmystyq ister jónindegi mamandandyrylǵan aýdanaralyq sotynda alqabilerdiń qatysýymen Anatolii Marchenkoǵa qatysty úkim shyǵaryldy, dep habarlaidy "Ult aqparat".
Atalmysh sottyń baspasóz qyzmeti málim etkenindei, A.Marchenko QR QK 120-baby 4-bóligimen (jas balany zorlaý) aiyptalǵan bolatyn.
Aiyptaý aktisine sáikes sottalýshy 12 jastaǵy jábirlenýshiniń jastyǵyna bailanysty óz is-áreketiniń mánisin túsinbeitinin paidalanyp, onymen jynystyq qatynasqa barǵan.
Alaida alqabiler isti qarai kele, kópshilik daýyspen jábirlenýshi óziniń dene jáne psihikalyq damýyna sai óz áreketin túsine bilgen, jynystyq qatynas onyń kelisimimen jasalǵan degen qorytyndyǵa keldi. Sottalýshy kúsh qoldanbaǵan, zorlyq áreketterine barmaǵan, bul jerde 16 jasqa tolmaǵan jasóspirimmen erikti túrde jynystyq qatynas jasalǵan.
Alqabilerdiń sheshimi jasyryn daýys berý arqyly qabyldanady. Sýdia buǵan yqpal jasai almaidy.
Osylaisha sottalýshynyń áreketi QR QK 122-baby 1-bóligimen (bul aýyrlyǵy ortasha qylmystar sanatyna jatady) saralandy.
Alqabiler A.Marchenkonyń buryn sottalmaǵanyn, bir jasar balasy bar ekendigin, jaǵymdy minezdemesin jazany jeńildetetin mán-jailar retinde tanydy.
Kópshilik daýyspen sottalýshynyń 2 jyl 6 aiǵa bas bostandyǵy shekteldi.
Úkim zańdy kúshine engen joq.
