Sýret ashyq derekkózden alyndy
Batys Qazaqstan oblysynda jas muǵalim óz-ózine qol jumsaǵan.
Qaiǵyly jaǵdai 17 qańtar kúni Aqjaiyq aýdany Saiqudyq aýylynda bolǵan. Jaqyndarynyń aitýynsha, ony mundai qadamǵa áriptesteri itermelegen bolýy múmkin, dep habarlaidy Azattyq Ruhy saity «Moi gorod» portalyna silteme jasap.
Nazym Ómirzaqova pedagogikalyq kolledjdi bitirip, birden aýyl mektebine bastaýysh synyp muǵalimi bolyp jumysqa ornalasqan. Alaida kelgen kúnnen bastap basshylyqpen qarym-qatynasy jaqsy bolmapty.
«Direktordyń orynbasary oǵan eskertýler jasap júrdi, keide tipti basqa muǵalimderdiń kózinshe dórekilik tanytqan kezderi boldy. Ol «jalaqyny qysqartamyn, buiryq shyǵaramyn, jumysqa ornalasa almaityndai bolasyń» dep qorqytty. 2022 jyldyń jeltoqsan aiynyń ortasynda olar dekrettik demalysta bolǵan muǵalimdi jumysqa shyǵaryp (Nazym onyń ornyna jumys istep júrgen) jáne Nazymdy alty saǵattyq oqý júktemesimen qaldyrdy. Ol soǵan da qýandy», - dedi qaza tapqan muǵalimniń týysy Bekbol Myrzabaev.
Foto: Azattyq-ruhy.kz
Onyń aitýynsha, 16 qańtarda tańerteń muǵalim qyz úide oqityn shákirtiniń úiine barǵan, al tústen keiin jumysqa barmaǵan eken. 17 qańtarda saǵat 08:00 shamasynda baýyry Bekbol jumysqa ketken, ol ýaqytta Nazym uiyqtap jatty. Al 15-20 minýttan keiin anasy qyzyn úidiń aýlasynda darǵa asylyp turǵan jerinen tapqan. Týystary sýitsid týraly jazbany tappaǵanyn málimdedi.
«Mekteptiń barlyq ujymy oǵan qysym jasalǵanyn biledi. Nazymnyń ózi sabyrly, eshqashan eshkimdi renjitken emes. Ol menimen birge turdy, al ata-anasy basqa aýylda turady. Ol únemi solarǵa qamqorlyq kórsetip, inisine kómektesip júrdi. Men eshkimdi kinálamaimyn, biraq meniń týysym jumystaǵy keleńsizdikterge bailanysty osyndai qadamǵa barýy múmkin dep kúdiktenemin. Iá, Nazymnyń jumysynda keibir kemshilikter bolǵan shyǵar, múmkin ol qatelikter jibergen shyǵar. Biraq ol jas maman, endi ǵana jumys istei bastady. Oǵan qysym kórsetip, synaýdyń ornyna, mektep basshylyǵy oǵan kómektesip, túsindirip, jol kórsetýi kerek edi. Biz sotqa deiingi tergeý jabylýy nemese tolyq kólemde júrgizilmeýi múmkin dep qorqamyz», - dedi Bekbol Myrzabaev.
Aýdandyq bilim bóliminiń basshysy Erbolat Bekmoldin bul másele boiynsha mektep direktorymen sóileskenin atap ótti. Direktordyń aitýynsha, áriptester, kerisinshe Nazymǵa yńǵaily bolýǵa kómektesti, elektrondy jýrnalmen jumys isteýdi úiretti, tálimger taǵaiyndady jáne barlyq jaǵynan qoldaý kórsetti.
«Bastapqyda ol 28,5 saǵattyq oqý júktemesine ie boldy, biraq sodan keiin negizgi jumysshy jumysqa ketti, al Nazymǵa úide oqityn oqýshymen 12,5 saǵat jáne taǵy alty saǵat negizgi jumys qaldy. Sondyqtan ol tolyq jumys istedi. Buryn qyz shaǵymdanbaǵan, mektep basshylyǵy oǵan túsinistikpen qaraǵan», - dep túsindirdi Erbolat Bekmýldin.
BQO politsiia departamentiniń baspasóz qyzmeti qyz 17 qańtarda saǵat 8:00 shamasynda jeke úidiń saraiynda óz-ózine qol jumsaǵanyn habarlady. Denede zorlyq-zombylyqpen ólim belgileri bolǵan joq, marqumnyń denesi máiithanaǵa sot-meditsinalyq saraptama júrgizýge jiberildi. Atalǵan fakti QR QK 105-baby «sýitsidke jetkizý» boiynsha tirkelgen.
