سۋرەت اشىق دەرەككٶزدەن الىندى
باتىس قازاقستان وبلىسىندا جاس مۇعالٸم ٶز-ٶزٸنە قول جۇمساعان.
قايعىلى جاعداي 17 قاڭتار كٷنٸ اقجايىق اۋدانى سايقۇدىق اۋىلىندا بولعان. جاقىندارىنىڭ ايتۋىنشا, ونى مۇنداي قادامعا ەرٸپتەستەرٸ يتەرمەلەگەن بولۋى مٷمكٸن, دەپ حابارلايدى Azattyq Ruhy سايتى «موي گورود» پورتالىنا سٸلتەمە جاساپ.
نازىم ٶمٸرزاقوۆا پەداگوگيكالىق كوللەدجدٸ بٸتٸرٸپ, بٸردەن اۋىل مەكتەبٸنە باستاۋىش سىنىپ مۇعالٸمٸ بولىپ جۇمىسقا ورنالاسقان. الايدا كەلگەن كٷننەن باستاپ باسشىلىقپەن قارىم-قاتىناسى جاقسى بولماپتى.
«ديرەكتوردىڭ ورىنباسارى وعان ەسكەرتۋلەر جاساپ جٷردٸ, كەيدە تٸپتٸ باسقا مۇعالٸمدەردٸڭ كٶزٸنشە دٶرەكٸلٸك تانىتقان كەزدەرٸ بولدى. ول «جالاقىنى قىسقارتامىن, بۇيرىق شىعارامىن, جۇمىسقا ورنالاسا المايتىنداي بولاسىڭ» دەپ قورقىتتى. 2022 جىلدىڭ جەلتوقسان ايىنىڭ ورتاسىندا ولار دەكرەتتٸك دەمالىستا بولعان مۇعالٸمدٸ جۇمىسقا شىعارىپ (نازىم ونىڭ ورنىنا جۇمىس ٸستەپ جٷرگەن) جەنە نازىمدى التى ساعاتتىق وقۋ جٷكتەمەسٸمەن قالدىردى. ول سوعان دا قۋاندى», - دەدٸ قازا تاپقان مۇعالٸمنٸڭ تۋىسى بەكبول مىرزاباەۆ.
فوتو: Azattyq-ruhy.kz
ونىڭ ايتۋىنشا, 16 قاڭتاردا تاڭەرتەڭ مۇعالٸم قىز ٷيدە وقيتىن شەكٸرتٸنٸڭ ٷيٸنە بارعان, ال تٷستەن كەيٸن جۇمىسقا بارماعان ەكەن. 17 قاڭتاردا ساعات 08:00 شاماسىندا باۋىرى بەكبول جۇمىسقا كەتكەن, ول ۋاقىتتا نازىم ۇيىقتاپ جاتتى. ال 15-20 مينۋتتان كەيٸن اناسى قىزىن ٷيدٸڭ اۋلاسىندا دارعا اسىلىپ تۇرعان جەرٸنەن تاپقان. تۋىستارى سۋيتسيد تۋرالى جازبانى تاپپاعانىن مەلٸمدەدٸ.
«مەكتەپتٸڭ بارلىق ۇجىمى وعان قىسىم جاسالعانىن بٸلەدٸ. نازىمنىڭ ٶزٸ سابىرلى, ەشقاشان ەشكٸمدٸ رەنجٸتكەن ەمەس. ول مەنٸمەن بٸرگە تۇردى, ال اتا-اناسى باسقا اۋىلدا تۇرادى. ول ٷنەمٸ سولارعا قامقورلىق كٶرسەتٸپ, ٸنٸسٸنە كٶمەكتەسٸپ جٷردٸ. مەن ەشكٸمدٸ كٸنەلامايمىن, بٸراق مەنٸڭ تۋىسىم جۇمىستاعى كەلەڭسٸزدٸكتەرگە بايلانىستى وسىنداي قادامعا بارۋى مٷمكٸن دەپ كٷدٸكتەنەمٸن. يە, نازىمنىڭ جۇمىسىندا كەيبٸر كەمشٸلٸكتەر بولعان شىعار, مٷمكٸن ول قاتەلٸكتەر جٸبەرگەن شىعار. بٸراق ول جاس مامان, ەندٸ عانا جۇمىس ٸستەي باستادى. وعان قىسىم كٶرسەتٸپ, سىناۋدىڭ ورنىنا, مەكتەپ باسشىلىعى وعان كٶمەكتەسٸپ, تٷسٸندٸرٸپ, جول كٶرسەتۋٸ كەرەك ەدٸ. بٸز سوتقا دەيٸنگٸ تەرگەۋ جابىلۋى نەمەسە تولىق كٶلەمدە جٷرگٸزٸلمەۋٸ مٷمكٸن دەپ قورقامىز», - دەدٸ بەكبول مىرزاباەۆ.
اۋداندىق بٸلٸم بٶلٸمٸنٸڭ باسشىسى ەربولات بەكمولدين بۇل مەسەلە بويىنشا مەكتەپ ديرەكتورىمەن سٶيلەسكەنٸن اتاپ ٶتتٸ. ديرەكتوردىڭ ايتۋىنشا, ەرٸپتەستەر, كەرٸسٸنشە نازىمعا ىڭعايلى بولۋعا كٶمەكتەستٸ, ەلەكتروندى جۋرنالمەن جۇمىس ٸستەۋدٸ ٷيرەتتٸ, تەلٸمگەر تاعايىندادى جەنە بارلىق جاعىنان قولداۋ كٶرسەتتٸ.
«باستاپقىدا ول 28,5 ساعاتتىق وقۋ جٷكتەمەسٸنە يە بولدى, بٸراق سودان كەيٸن نەگٸزگٸ جۇمىسشى جۇمىسقا كەتتٸ, ال نازىمعا ٷيدە وقيتىن وقۋشىمەن 12,5 ساعات جەنە تاعى التى ساعات نەگٸزگٸ جۇمىس قالدى. سوندىقتان ول تولىق جۇمىس ٸستەدٸ. بۇرىن قىز شاعىمدانباعان, مەكتەپ باسشىلىعى وعان تٷسٸنٸستٸكپەن قاراعان», - دەپ تٷسٸندٸردٸ ەربولات بەكمۋلدين.
بقو پوليتسييا دەپارتامەنتٸنٸڭ باسپاسٶز قىزمەتٸ قىز 17 قاڭتاردا ساعات 8:00 شاماسىندا جەكە ٷيدٸڭ سارايىندا ٶز-ٶزٸنە قول جۇمساعانىن حابارلادى. دەنەدە زورلىق-زومبىلىقپەن ٶلٸم بەلگٸلەرٸ بولعان جوق, مارقۇمنىڭ دەنەسٸ مەيٸتحاناعا سوت-مەديتسينالىق ساراپتاما جٷرگٸزۋگە جٸبەرٸلدٸ. اتالعان فاكتٸ قر قك 105-بابى «سۋيتسيدكە جەتكٸزۋ» بويىنشا تٸركەلگەن.
