Batys Qazaqstan oblysynda jarty tonnaǵa jýyq balyq tiep kele jatqan avtokólik ustaldy, dep habarlaidy "Ult aqparat".
BQO politsiia departamentiniń baspasóz qyzmeti málim etkenindei, oqiǵa Aqjaiyq aýdany Chapaev aýyly mańynda Oral-Atyraý kúre jolynda boldy.
«Bekire» jedel aldyn alý sharasy barysynda 1986 jylǵy júrgizýshi aidap kele jatqan «Folksvagen Sharan» avtokóligi toqtatyldy.
Tekseris barysynda júrgizýshiniń tiisti qujatsyz taban balyqty alyp kele jatqany anyqtaldy. Politseiler tárkilegen 480 kg balyq «Kaspii Ýral» JShS-yna saqtaýǵa jiberildi.
Qazirgi kezde atalǵan derek boiynsha QR QK 196-baby 1-bóligine (kórineý qylmystyq jolmen tabylǵan múliktiiemdený nemese ótkizý) sáikes sotqa deiingi tergeý amaldary júrgizilýde.
