Foto: polisia.kz
Batys Qazaqstan oblysynda Reseimen shektesetin Jánibek aýdanynda ushqyshsyz ushatyn qurylǵynyń synyqtary tabylǵany jóninde derek tirkeldi, dep habarlaidy Jánibek aýdany ákimdiginiń baspasóz qyzmeti.
Atalǵan oqiǵa 24 naýryz kúni Uzynkól aýyldyq okrýgi aýmaǵynda boldy.
Aýyl turǵyny eldi mekennen shamamen 8 shaqyrym qashyqtyqta belgisiz ushqyshsyz ushatyn qurylǵy bólshekteriniń tabylǵany jóninde habarlaǵan.
- Atalǵan oqiǵa boiynsha tergeý toby baryp, qaraý kezinde ushqyshsyz ushatyn qurylǵynyń bólshekteri tabyldy. Qazirgi ýaqytta oqiǵa orny qorshaýǵa alynyp, tergeý amaldary júrgizilýde, - dep habarlady vedomstvodan.
BQO politsiia departamentiniń baspasóz qyzmeti ýákiletti qyzmettermen birlesip, tekserý jumystarynyń júrgizilip jatqanyn jetkizdi. Nysan eldi mekennen alys jerden tabylǵan.
Oqiǵanyń barlyq mán-jaiy anyqtalý ústinde.
Bul – Batys Qazaqstan oblysynda bolǵan úshinshi oqiǵa. Budan buryn 18 aqpanda Bókei ordasy aýdany Uialy aýyly mańynda ushqyshsyz ushatyn apparatqa uqsas qurylǵy qulaǵan edi. Osyndai jaǵdai 18 naýryzda Tasqala aýdanynda qaitalandy.
Eske sala keteiik, budan buryn Batys Qazaqstanǵa ushqyshsyz ushatyn apparat qulaǵanyn jazǵan bolatynbyz.
