فوتو: polisia.kz
باتىس قازاقستان وبلىسىندا رەسەيمەن شەكتەسەتٸن جەنٸبەك اۋدانىندا ۇشقىشسىز ۇشاتىن قۇرىلعىنىڭ سىنىقتارى تابىلعانى جٶنٸندە دەرەك تٸركەلدٸ, دەپ حابارلايدى جەنٸبەك اۋدانى ەكٸمدٸگٸنٸڭ باسپاسٶز قىزمەتٸ.
اتالعان وقيعا 24 ناۋرىز كٷنٸ ۇزىنكٶل اۋىلدىق وكرۋگٸ اۋماعىندا بولدى.
اۋىل تۇرعىنى ەلدٸ مەكەننەن شامامەن 8 شاقىرىم قاشىقتىقتا بەلگٸسٸز ۇشقىشسىز ۇشاتىن قۇرىلعى بٶلشەكتەرٸنٸڭ تابىلعانى جٶنٸندە حابارلاعان.
- اتالعان وقيعا بويىنشا تەرگەۋ توبى بارىپ, قاراۋ كەزٸندە ۇشقىشسىز ۇشاتىن قۇرىلعىنىڭ بٶلشەكتەرٸ تابىلدى. قازٸرگٸ ۋاقىتتا وقيعا ورنى قورشاۋعا الىنىپ, تەرگەۋ امالدارى جٷرگٸزٸلۋدە, - دەپ حابارلادى ۆەدومستۆودان.
بقو پوليتسييا دەپارتامەنتٸنٸڭ باسپاسٶز قىزمەتٸ ۋەكٸلەتتٸ قىزمەتتەرمەن بٸرلەسٸپ, تەكسەرۋ جۇمىستارىنىڭ جٷرگٸزٸلٸپ جاتقانىن جەتكٸزدٸ. نىسان ەلدٸ مەكەننەن الىس جەردەن تابىلعان.
وقيعانىڭ بارلىق مەن-جايى انىقتالۋ ٷستٸندە.
بۇل – باتىس قازاقستان وبلىسىندا بولعان ٷشٸنشٸ وقيعا. بۇدان بۇرىن 18 اقپاندا بٶكەي ورداسى اۋدانى ۇيالى اۋىلى ماڭىندا ۇشقىشسىز ۇشاتىن اپپاراتقا ۇقساس قۇرىلعى قۇلاعان ەدٸ. وسىنداي جاعداي 18 ناۋرىزدا تاسقالا اۋدانىندا قايتالاندى.
ەسكە سالا كەتەيٸك, بۇدان بۇرىن باتىس قازاقستانعا ۇشقىشسىز ۇشاتىن اپپارات قۇلاعانىن جازعان بولاتىنبىز.
