Foto: pexels.com
Batys Qazaqstan oblysynyń prokýratýrasy Jáńgir han atyndaǵy Agrarlyq-tehnikalyq ýniversitetiniń ǵylymi qyzmetkerleri qarajat jymqyrdy degen kúdikpen sotqa deiingi tergep-tekserýdi bastady. Bul týraly Bas prokýratýranyń resmi ókili Darhan Dúisembai baiandady, - dep habarlaidy "Ult aqparat" vedomstvonyń baspasóz qyzmetine silteme jasap.
Onyń aitýynsha Ǵylym jáne joǵarǵy bilim ministrligi asa qaýipti aýrýlardyń taralýy taqyrybynda ǵylymi zertteýler júrgizý úshin atalǵan ýniversitetke 55 mln. teńge bólgen.
"Zertteý nátijeleri halyqaralyq konferentsiialarda talqylanyp, sodan keiin patenttelýi kerek edi. Alaida ýniversitet ǵylymi zertteý jumystaryn formaldy júrgizgen jáne patent almaǵan.
Buǵan qaramastan, atqarylǵan jumystar týraly jalǵan akti jasalyp, bólingen qarajat urlanǵan.
Prokýratýranyń tapsyrmasy boiynsha qylmystyq isti Ekonomikalyq tergep-tekserý departamenti tergep jatyr" - delingen habarlamada.
