Batys Qazaqstan oblysynda ulynyń úilený toiyn jasaǵan aýyl ákimi qyzmetinen bosatylady. Bul týraly oblys ákimi Ǵali Esqalievtiń tóraǵalyǵymen ótken indetke qarsy oblystyq jedel shtab otyrysynda málim boldy, dep habarlaidy "Ult aqparat".
Jiyn barysynda óńir basshysy Aqjaiyq aýdany Aqjol aýyldyq okrýginiń ákimi Tátjan Ótemisovtiń toi ótkizgeni týraly aqparatqa bailanysty qandai shara alynǵandyǵyn
surady.
Buǵan jaýap bergen oblys ákimi apparatynyń basshysy Berik Bataev atalǵan derekke qatysty tekseris júrgizilgenin jetkizdi.
«Tátjan Ótemisov 9 qarashaǵa deiin eńbek demalysynda.
Sodan keiin aýyldyq okrýg ákimi retindegi qyzmet merziminiń aiaqtalýyna bailanysty jumysynan bosatylady. Sonymen qatar oǵan shekteý sharalaryn buzǵany úshin ákimshilik
hattama toltyrylyp, 41 myń teńge kóleminde aiyppul salyndy», dedi B.Bataev.
Ǵ.Esqaliev toi, sadaqa siiaqty kópshilik is-sharalardyń áli de tyiylmai otyrǵandyǵyn, munyń indettiń órshi túsýine áser etýi múmkin ekendigin, sondyqtan onymen kóp bolyp kúresý
qajettigin atap kórsetti. Osy oraida oblys ákimi
monitoringtik toptardyń jumysyn shiratýdy tapsyrdy.
Sondai-aq toi bolyp jatqany jóninde habarlaǵan turǵyndarǵa rastalǵan jaǵdaida syiaqy berý jalǵasady.
