BQO-nyń Qaztalov aýdanynda tórt turǵyn 227 dana kiik múiizimen ustaldy, dep habarlaidy "Ult aqparat".
Aýdandyq politsiia bóliminen alynǵan málimetke qaraǵanda, oqiǵa 22 sáýir kúni túnde oryn aldy.
Saǵat 22.00-de kórshiles Jánibek aýdany turǵyndarynyń Qoshankól aýyldyq okrýgine qarasty Qarasý qystaǵy mańynda kiik múiizin satqysy kelip júrgendigi jóninde habar túsken.
Qaztalov jáne Jalpaqtal politsiia bólimi qyzmetkerlerinen jasaqtalǵan eki jedel tergeý toby oqiǵa ornyna dereý jetken. Atalǵan jerden 23 sáýir kúni saǵat 00.30-da eki avtokólik toqtatyldy. Avtokóliktegiler boi tasalamaq bolǵanymen, politsiia qyzmetkerlerinen sytylyp kete almady. Olardyń Jánibek aýdany Kúigenkól aýylynyń tórt turǵyny ekendigi belgili boldy. Tekserý kezinde qos avtokólikten 227 dana kiik múiizi tabyldy.
Qazirgi kezde kúdiktilerge qatysty QR QK 339-baby 2-bólimi 2-tarmaǵyna (aldyn ala sóz bailasyp, adamdar tobymen ósimdikterdiń nemese janýarlardyń sirek kezdesetin jáne quryp ketý qaýpi tóngen, sondai-aq paidalanýǵa tyiym salynǵan túrlerimen, olardyń bólikterimen nemese derivattarymen zańsyz ainalysý) sáikes qylmystyq is qozǵalyp, tergeý amaldary júrgizilýde.
Eske sala keteiik, budan buryn BQO-da aýyl turǵyny kiik múiizderimen ustalǵanyn jazǵan bolatynbyz.
