Batys Qazaqstan oblysynyń Qaztalov aýdanyndaǵy Taldapan aýylynda óz úiinde toǵyzynshy synyp oqýshysy asylyp qalǵan, - dep habarlaidy "Moi GOROD". Qaiǵyly oqiǵa 5 shildede bolǵan.
Aýdan ákiminiń orynbasary Záilim Májitovanyń aitýynsha, qyzdyń oqý úlgerimi jaqsy bolǵan jáne 8 shildede qurbylarymen birge Astanaǵa ketýi kerek bolǵan. "Otbasynda alty bala, ol besinshisi. Sol kúni qyz aýyldaǵy barlyq qurbysyna barǵan, soǵan qaraǵanda qoshtasqan bolýy kerek, jarty saǵattan keiin úiine oralǵan, sosyn onyń máiitin ata-anasy taýyp alǵan", - dedi sheneýnik.
Ákimniń orynbasary mektep oqýshysynyń sońǵy hat qaldyryp ketkenin de aitty, onda marqum óz ólimine eshkimdi kinálamaýdy surapty. "Balanyń janynda hat tabyldy. Onda ol qara-ólim adam ony burynan ózine shaqyrǵany týraly jazǵan. "Ózim asylyp qalmasam, meniń jaqyndarymdy alyp ketemin deidi. Qazirdiń ózinde ol meniń janymda, asyqtyryp otyr, sondyqtan osylai aidaq-saidaq jazdym. Ólimime eshkimdi kinálamaýdy suraimyn". Hatta osyndai mátin jazylypty", - dedi ol.
Basylymnyń málimetinshe, 16 jastaǵy qyzdyń boiynan eshqandai da aýytqýshylyq baiqalmaǵan.
